Nadzieja i Uładzimir z Irdorath paviedamili pra naradžeńnie syna

U lidaraŭ fołk-hurta Irdorath, byłych palitviaźniaŭ Nadziei i Uładzimira Kałačoŭ naradziŭsia syn-pieršyniec.

Fota: facebook.com/IrdorathBY

«12 lipienia 2026 hoda pad soncam siaredziny leta ŭ hety śviet uvarvaŭsia maleńki cmok, kab zrabić jaho lepš. Znajomciesia: Jan Irdarat Kałač», — źjaviłasia paviedamleńnie na fejsbuk-staroncy hurta.

Nadzieju i Uładzimira Kałač zatrymali ŭ žniŭni 2021 hoda praź ich udzieł u pratestach 2020 hoda. Padstavaj stała toje, što jany vystupali padčas adnaho z maršaŭ, hrajučy na dudach. U 2022 hodzie Nadzieju i Uładzimira pryznali vinavatymi ŭ arhanizacyi dziejańniaŭ, jakija ŭłady acanili jak hrubaje parušeńnie hramadskaha paradku, i prysudzili da dvuch hadoŭ pazbaŭleńnia voli.

Paśla vyzvaleńnia viasnoj 2023 hoda muž i žonka pakinuli Biełaruś i pierajechali ŭ Bierlin, dzie praciahnuli muzyčnuju dziejnaść. U apošnija hady jany aktyŭna vystupajuć u roznych krainach Jeŭropy.

Raniej Nadzieja i Uładzimir raskazvali, što daŭno maryli pra dzicia, ale ažyćciaŭleńniu hetaha płana spačatku pieraškodziła pandemija COVID-19, a paźniej — padziei 2020 hoda, zatrymańnie i vymušanaja emihracyja. Ciapier heta mara narešcie ździejśniłasia.

Kamientary da artykuła