Błohier Uład Bumaha likviduje adnu sa svaich kampanij u Biełarusi
Adna ź biełaruskich kampanij papularnaha błohiera Ułada Bumahi, viadomaha pad psieŭdanimam Uład A4, pačała praceduru likvidacyi. Takoje rašeńnie pryniaŭ sam uładalnik biznesu, piša Office Life.
Uład Bumaha. Fota z sacsietak
Kampanija «ČATYRYAČATYRY» była zarehistravanaja Minharvykankamam u 2019 hodzie. Jaje asnoŭnym napramkam dziejnaści było stvareńnie rekłamy. Adzinym ułaśnikam kampanii źjaŭlajecca Uład Bumaha.
U 2020 hodzie kampanija stała rezidentam Parka vysokich technałohij i, pavodle infarmacyi parku, zajmałasia raspracoŭkaj prahramnaha zabieśpiačeńnia dla analizu papularnaści videakantentu. Adnak u 2025 hodzie jana pierastała ŭvachodzić u skład rezidentaŭ PVT.
Taksama paviedamlałasia, što kampanija zajmałasia stvareńniem zabaŭlalnaha kantentu dla dziaciej, u tym liku videapradukcyjaj dla YouTube.
Rašeńnie ab likvidacyi było pryniata ŭ pačatku lipienia 2026 hoda, a aficyjna pracedura pačałasia 6 lipienia.
Čytajcie taksama:
Błohier Uład Bumaha vyjhraŭ sud za brend i aščadziŭ hrošy
Błohier Uład Bumaha prajhraŭ sud u Rasii ŭ spravie pravoŭ na svaju vyjavu
Kampanija błohiera Ułada Bumahi vypłacić kampiensacyju pastaŭščyku dadatkaŭ dla čypsaŭ
Rasijski biznes błohiera Ułada Bumahi spracavaŭ sa stratami amal na paŭtara miljona dalaraŭ