Viadomy błohier rodam ź Biełarusi Uład Bumaha vyjhraŭ u Rasii sud pa spravie ab pravach na brend «A4». Ciapier aŭtaru papularnych YouTube-rolikaŭ nie pryjdziecca vypłačvać 7,5 miljonaŭ rasijskich rubloŭ (kala 103,6 tysiač dalaraŭ) kampiensacyi, piša Blizko.by.
Sud padtrymaŭ błohiera ŭ sprečcy z kampanijaj «SP Rajts Servisez». Pazoŭ byŭ źviazany z vykarystańniem tavarnych znakaŭ «A4», «Uład Bumaha» i «Uład A4». Kampanija abvinavačvała pradprymalnika Michaiła Kačerhina ŭ niezakonnym vykarystańni brenda.
Raniej pazoŭnik užo sprabavaŭ dabicca zadavalnieńnia patrabavańniaŭ praz sud, adnak atrymaŭ admovu. Paśla hetaha spravu nakiravali ŭ sud pa intelektualnych pravach, jaki admianiŭ rašeńni nižejstajačych instancyj i adpraviŭ sprečku na novy razhlad. U vyniku sud staŭ na bok Ułada Bumahi.
Heta ŭžo nie pieršy sudovy praces, źviazany ź imiem błohiera ŭ 2026 hodzie. U lutym paviedamlałasia, što pradstaŭniki Ułada Bumahi padali pazoŭ paśla taho, jak u kramach Baškartastana znajšli adzieńnie z vyjavaj błohiera.
Tady havorka išła pra dva asobnyja razbory. U adnym vypadku pradprymalnik pradavaŭ sukienku z fatahrafijaj błohiera. Pieršapačatkova Bumaha patrabavaŭ kampiensacyju ŭ pamiery 100 tysiač rasijskich rubloŭ (kala 1382 dalary), adnak sud źniziŭ sumu vypłaty da 20 tysiač (kala 276 dalaraŭ).
Uład Bumaha naradziŭsia ŭ Minsku ŭ 1996 hodzie i pačaŭ karjeru błohiera ŭ 2014-m. Paźniej jon uvajšoŭ u lik samych papularnych ruskamoŭnych YouTube-aŭtaraŭ, a ŭ 2020 hodzie trapiŭ u rejtynh Forbes jak adzin z samych pierśpiektyŭnych maładych rasijan da 30 hadoŭ.
Akramia błohinhu, Uład Bumaha zajmajecca biznesam. Siarod jaho prajektaŭ — kampanija pa raspracoŭcy prahramnaha zabieśpiačeńnia dla analizu hladackaj cikavaści na videapłatformach, a taksama brend Lava Lava.
Błohier Uład Bumaha prajhraŭ sud u Rasii ŭ spravie pravoŭ na svaju vyjavu
Rasijski biznes błohiera Ułada Bumahi spracavaŭ sa stratami amal na paŭtara miljona dalaraŭ
Błohier Uład Bumaha znajšoŭ sabie novy zaniatak u Maskvie
ŚMI raskazali pra daŭhi biełaruskaha błohiera Ułada Bumahi pa rasijskich padatkach
Biełaruski błohier Uład Bumaha trapiŭ na pramuju liniju da Pucina i mocna prahnuŭsia pierad im
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary