Rasijski biznes błohiera Ułada Bumahi spracavaŭ sa stratami amal na paŭtara miljona dalaraŭ
Rasijski biznes biełaruskaha błohiera Ułada Bumahi pa vytvorčaści snekaŭ skončyŭ minuły hod ź vializnymi stratami. Akramia taho, kampanija ŭžo pačała atrymlivać pazovy ad kredytoraŭ, piša Office Life.
Pavodle danych telehram-kanała Mash, TAA «Bumažnaja bumaha», jakoje zasnavaŭ Uład Bumaha, pa vynikach hoda atrymała straty ŭ pamiery 110 miljonaŭ rasijskich rubloŭ (kala $1,4 miljona pa krasavickim kursie).
Krynicy kanała kažuć, što vinoj usiamu — niepradumanyja vydatki na prasoŭvańnie.
Akramia taho, kampaniju čakajuć sudy z kontrahientami. Adzin ź ich — łahistyčny apieratar «TŁK Transhrup» — užo padaŭ pazoŭ u arbitraž na 219,7 tysiačy rasijskich rubloŭ. Ź im «Bumažnaja bumaha» pracavała pa postapłacie i nazapasiła doŭh.
Raniej paviedamlałasia, što «Bumažnaja bumaha» źbirajecca źviarnucca ŭ sud z metaj pryznańnia siabie bankrutam. Błohieru naležyć u joj dola ŭ 45% praz kiprskuju kampaniju A4GROUP LIMITED. U jaho ŭ hetym biznesie jašče dva kampańjony.
«Bumažnaja bumaha» zajmajecca vytvorčaściu zakusak, napojaŭ i hatovaj ježy pad brendami A4 i Lava-Lava dla nastupnaha prodažu ŭ sietkavych kramach. U 2023 hodzie jaje vyručka skłała bolš za 3,8 miljarda rasijskich rubloŭ, a čysty prybytak — 377,3 młn rubloŭ.
Heta nie adziny biźnies Ułada Bumahi ŭ Rasii. Usiaho jon u toj ci inšaj stupieni vałodaje siamiu kampanijami, i ŭ mnohich ź ich jość daŭhi pierad kredytorami i pa padatkach.
Błohier Uład Bumaha znajšoŭ sabie novy zaniatak u Maskvie
Uład Bumaha bankrutuje svoj biznes u Rasii
ŚMI raskazali pra daŭhi biełaruskaha błohiera Ułada Bumahi pa rasijskich padatkach
Biełaruski błohier Uład Bumaha trapiŭ na pramuju liniju da Pucina i mocna prahnuŭsia pierad im
Prahib zaličany. Piaskoŭ zajaviŭ, što pad uražańniem ad pytańnia biełaruskaha błohiera Ułada Bumahi Pucinu
Kamientary