Ryžankoŭ palacieŭ u Mazambik
Ministr zamiežnych spraŭ Biełarusi Maksim Ryžankoŭ z 16 pa 18 lipienia znachodzicca z aficyjnym vizitam u Mazambiku, paviedamlaje BiełTA.
Maksim Ryžankoŭ. Fota: Alexander Nemenov Pool Photo via AP
Jak paviedamlaje Ministerstva zamiežnych spraŭ, u prahramu hetaha vizitu ŭvachodziać pieramovy na vysokim uzroŭni, sustrečy z pradstaŭnikami profilnych ministerstvaŭ, a taksama mierapryjemstvy z udziełam dziełavych kołaŭ dźviuch krain.
Raniej Alaksandr Łukašenka vykazvaŭsia pra pierśpiektyvy raźvićcia supracoŭnictva pamiž Biełaruśsiu i Mazambikam. 19 lutaha padčas sustrečy sa staršynioj Sienata Zimbabve Mejbł Miemary Čynamonaj jon prapanavaŭ realizavać trochbakovy prajekt z udziełam Biełarusi, Zimbabve i Mazambika pa budaŭnictvie marskoha porta.
Jak ličyć Łukašenka, Biełarusi nieabchodna atrymać aporny punkt na paŭdniova-ŭschodnim uźbiarežžy Afryki. Jon adznačyŭ, što budaŭnictva porta ŭ Mazambiku i adnaŭleńnie čyhunačnych znosin pamiž hetaj krainaj i Zimbabve dazvoliła b stvaryć łahistyčny centr dla pastavak biełaruskich tavaraŭ, a taksama pradukcyi inšych dziaržaŭ, u tym liku Rasii, na poŭdni afrykanskaha kantynienta.
Čytajcie taksama:
Łukašenka prapanavaŭ Zimbabve pabudavać port u Mazambiku
Reštki «Vahniera» na čale z synam Pryhožyna stvaryli narkaimpieryju ŭ CAR