Iran zaklikaŭ chusitaŭ być hatovymi zakryć Bab-el-Mandebski praliŭ
Pavodle źviestak ahienctva Reuters, Iran źviarnuŭsia da svaich sajuźnikaŭ — jemienskaha ruchu chusitaŭ — z prośbaj być hatovymi pierakryć sudnachodstva praz Bab-el-Mandebski praliŭ, jaki złučaje Čyrvonaje mora z Adenskim zalivam, kali ZŠA naniasuć udary pa enierhietyčnaj infrastruktury Irana. Pra heta ahienctva paviedamiła sa spasyłkaj na try infarmavanyja krynicy, u tym liku na pradstaŭnika iranskaha kiraŭnictva.
Jemienski bajec-chusit. Fota: AP Photo/Osamah Abdulrahman
Pavodle adnoj z krynic, blizkaj da chusitaŭ, ich farmiravańni ŭžo raźmiaścili bieśpiłotniki i rakiety ŭ rajonie Bab-el-Mandebskaha praliva i znachodziacca ŭ stanie hatoŭnaści da mahčymych atak.
Takaja ž krynica śćviardžaje, što kančatkovaje rašeńnie ab pierakryćci praliva buduć prymać pradstaŭniki Korpusa vartavych Isłamskaj revalucyi Irana, jakija, pavodle jaje słoŭ, užo znachodziacca na terytoryi Jemiena.
14 lipienia prezident ZŠA Donald Tramp, abviaščajučy pra adnaŭleńnie marskoj błakady Irana, zajaviŭ, što Złučanyja Štaty mohuć nanieści ŭdary pa mastach i elektrastancyjach krainy praz tydzień, kali Tehieran nie vierniecca da pieramoŭ.
Čytajcie taksama:
Śviet na vajnie. Letaś zafiksavali rekordnuju kolkaść kanfliktaŭ z časoŭ Druhoj suśvietnaj
Tramp pieradumaŭ źbirać płatu za prachod sudnaŭ praz Armuzski praliŭ