Finał čempijanatu śvietu pa futbole nie płanujuć pieranosić z-za smohu ŭ Ńju-Jorku i vakolicach

Ale jakaść pavietra vielmi drennaja

Smoh u Ńju-Jorku. Fota: Selcuk Acar / Anadolu via Getty Images

Finał čempijanatu pa futbole nie płanujuć pieranosić z-za smohu ŭ Ńju-Jorku, što ŭtvaryŭsia z-za lasnych pažaraŭ u Kanadzie, piša hazieta Ole.

Pavodle danych sajta IQAir, indeks jakaści pavietra ŭ Ńju-Jorku ciapier składaje 208, što adpaviadaje acency «vielmi škodna dla zdaroŭja».

Stadyjon «Mietłajf» u Ist-Ruterfordzie, za im na dalahladzie — Ńju-Jork. Fota: Seth Wenig / AP

Finał Ispanija — Arhiencina pavinien prajści viečaram u niadzielu (a 22‑j pa biełaruskim časie) na stadyjonie «Mietłajf» u Ist-Ruterfordzie, jaki znachodzicca za 10 kiłamietraŭ na zachad ad Ńju-Jorka.

Razam z tym isnujuść zaściarohami nakont biaśpieki 80 tysiač zaŭziataraŭ, jakija naviedajuć hety matč, ale jość nadzieja, što dym da niadzieli raśsiejecca.

Matč amierykanskaj MŁS «Čykaha Fajr» — «Vankuvier Uajtkeps», jaki pavinien byŭ adbycca siońnia, 17 lipienia, pieranieśli z-za drennaj jakaści pavietra ŭ Čykaha, vyklikanaj pažarami ŭ Kanadzie.

Kamientary da artykuła