Vyjšła pa-biełarusku kniha pra Tadevuša Kandrusieviča. U zahałovak vyniesieny słovy jaho maci
Kniha maje nazvu «Maryja, rabi ź im, što pažadaješ…» Žyćcio i słužeńnie arcybiskupa Tadevuša Kandrusieviča ad naradžeńnia da pieršych hadoŭ biskupstva».
Takaja kniha na polskaj movie aŭtarstva siastry Marceliny Mihač vychodziła ŭ vydaviectvie Pro Christo ŭ 2024 hodzie. Vierahodna, da 80‑hodździa zasłužanaha ijerarcha knihu pierakłali na biełaruskuju movu, piša katolik.life.
U nazvu vyniesiena fraza z malitvy maci Tadevuša Kandrusieviča. Jon raspaviadaŭ, što kali byŭ jašče niemaŭlom, to mocna zachvareŭ i razam z mamaj lažaŭ u špitali la kaścioła Maci Božaj Aniolskaj u Hrodnie:
«Tady mama pryniesła mianie ŭ kaścioł, pakłała na ałtary Božaj Maci i skazała: «Maryja, rabi ź im, što chočaš». Jak akazałasia potym, Maryja zrabiła…»
Maci davieryła apieku nad synam Maryi, bo lekary ničoha nie mahli zrabić, kab vylečyć dzicia. I ŭ chutkim časie jon ačuniaŭ. Taksama arcybiskup upeŭnieny, što mienavita dziakujučy zastupnictvu Maci Božaj jon adčuŭ paklikańnie da śviatarstva, a rašeńnie pajści ŭ sieminaryju pryniaŭ u Vostraj Bramie ŭ Vilni.
Darečy, kali Tadevuš Kandrusievič staŭ śviatarom, niekatory čas jon byŭ probaščam mienavita ŭ parafii Maci Božaj Aniolskaj u Hrodnie.