U Minsku zaŭvažyli jadomy hryb, zaniesieny ŭ Čyrvonuju knihu

Žycharka stalicy Vasilisa zaŭvažyła na stvale dreva kala svajho doma niezvyčajny hryb. Vyśvietliłasia, što heta vielmi redki vid, zaniesieny ŭ Čyrvonuju knihu, piša Blizko.by.

U abjektyŭ trapiŭ redki i niezvyčajny hryb — valvaryjeła šaŭkavistaja. Maładyja hryby hetaha vidu majuć formu jajka, pakrytaha charakternym aksamitnym abo puchnatym biełym nalotam. Pa miery rostu «škarłupina» razryvajecca, i źjaŭlajecca bujny hryb ź biełaj šapkaj i płaścinkami.

Hryb sustrakajecca ŭ Azii, Aŭstralii, Jeŭropie, Paŭnočnaj Amierycy i krainach Karybskaha basiejna. Sustrakajecca ŭletku i ŭvosień u liścievych i miašanych lasach, parkach na žyvych i admierłych kamlach liścievych dreŭ — časta na lipie, klonie, tapoli ci dubie.

Niahledziačy na toje, što hety hryb jadomy, jon uklučany ŭ Čyrvonuju knihu Biełarusi. Jaho kateharyčna zabaroniena źbirać, bo za heta praduhledžany štraf.

Kamientary da artykuła