Hety hod u Biełarusi budzie ŭdałym pa ŭradžajnaści hryboŭ, prahnazujuć u Instytucie lesu Nacyjanalnaj akademii navuk.
«Adzin z markieraŭ niebłahoj uradžajnaści hryboŭ — heta śniežnyja zimy», — patłumačyŭ «Sputniku» navukovy supracoŭnik siektara charčovych i lekavych resursaŭ lesu Instytuta lesu Ihar Machavik.
Pavodle jaho słoŭ, pry dobrym śniežnym pokryvie vada nazapašvajecca ŭ lesie na ŭsich uzroŭniach, što i daje ŭ letnie-asieńni pieryjad vysoki ŭradžaj hryboŭ.
«Hety siezon budzie blizkim da siaredniešmathadovych značeńniaŭ, a značyć udałym pa ŭradžajnaści», — skazaŭ navukoviec.
Asablivaść hetaha siezonu — budzie šmat apieniek. Heta abumoŭlena tym, što ŭ lasach paśla burałomaŭ była davoli vialikaja kolkaść vyrubak i, adpaviedna, valežnaj draŭniny.
Prahnazujuć taksama dobry ŭradžaj lisičak. Baraviki — na ŭzroŭni siarednich pakazčykaŭ. Padbiarozavikaŭ moža być bolej, čym zvyčajna, a padasinavikaŭ, naadvarot, mieniej — jany vielmi patrabavalnyja da vady.
Samymi bahatymi na hryby ŭ Biełarusi ličacca Viciebskaja vobłaść, poŭnač Minskaj vobłaści, asobnyja rajony ŭ Hrodzienskaj i Mahiloŭskaj abłaściach.
-
U Aŭstralii mietearadary pačali pakazvać doždž, jakoha niama. Akazałasia, što heta miljony matylkoŭ
-
Darosłyja ŭsio čaściej kuplajuć cacki dla siabie, a dziaciej naradžajuć usio mienš. Što adbyvajecca?
-
Kasatki navučylisia palavać na vialikich biełych akuł i zdabyvać ich piečań. Navukoŭcy zaniepakojenyja nastupstvami
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary