Na leciščy pad Smalavičami znajšli hryb dziŭnaj formy. A vielmi rezki pach adčuvajecca zdalok
Na adlehłaści vyciahnutaj ruki pobač ź im užo ciažka znachodzicca.
Z redakcyjaj Onliner.by źviazałasia Maryna. Žančyna znajšła na svajoj dačy ŭ Smalavickim rajonie hryb niezvyčajnaj formy. Sioleta takija hryby na ŭčastku vyraśli ŭpieršyniu, dy i raniej u žyćci jana ich nikoli nie sustrakała. Nie zaŭvažyć ich niemahčyma — vielmi rezki pach adčuvajecca zdalok.
— Raście ŭ roznych miescach na ŭčastku, ale mienavita siarod raślin, jakija nahadvajuć moch. Vidać, tam najbolš vilhotna.
Jon vielmi «pachučy». Na adlehłaści vyciahnutaj ruki pobač ź im užo ciažka znachodzicca. A jašče vakoł jaho pastajanna kružyć roj much. Paśla pieršaj «sustrečy» mnie ledź nie stała błaha. Mienavita praz pach my i pačali vyśviatlać, što heta takoje.
Jak raskazvaje Maryna, Google pa fatahrafii padkazaŭ, što heta «smarčok śmiardziučy» (čaściej za ŭsio jaho taksama nazyvajuć falus niaścipły, mucinus Ravieniela. U Čyrvonuju knihu Biełarusi jon zaniesieny jak redki vid. Heta niezvyčajny hryb, viadomy svaim niepryjemnym pacham i vielmi chutkim rostam — da 5 mm za chvilinu. Darosły hryb maje faličnuju formu i pryciahvaje much, jakija raznosiać jaho spory).
Žurnalisty vyrašyli ŭdakładnić u śpiecyjalista pa hrybach Sašy Harbaceviča, što heta nasamreč.
— Heta mucinus Ravieniela, narodnaja nazva — smarčok śmiardziučy. Jon adnosicca da siamiejstva viasiołkavych. U dzikaj pryrodzie praktyčna nie sustrakajecca, ale na prysiadzibnych učastkach raście davoli časta. Niekatoryja pišuć, što heta redki hryb, zaniesieny ŭ Čyrvonuju knihu, ale heta nie adpaviadaje rečaisnaści.
Hryb pachodzić z Paŭnočnaj Amieryki. U Jeŭropu jon trapiŭ vypadkova ŭ minułym stahodździ razam z hruntam, jaki zavozili ŭ bataničnyja sady.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary