Łukašenka pravioŭ novyja pryznačeńni siarod hienierałaŭ
Alaksandr Łukašenka 21 lipienia svaimi ŭkazami pravioŭ kadravyja pierastanoŭki ŭ Ministerstvie abarony, paviedamlaje jaho pres-słužba.
Budynak Ministerstva abarony ŭ Minsku. Fota: BiełTA
Hienierał-major Alaksandr Masołaŭ pryznačany namieśnikam ministra abarony pa tyle — načalnikam tyłu Uzbrojenych sił. Raniej jon zajmaŭ pasadu pieršaha namieśnika načalnika tyłu Uzbrojenych sił — načalnika štaba tyłu. Hienierał-major Andrej Burdyka, jaki zajmaŭ hetuju pasadu raniej, zvolnieny z vajskovaj słužby ŭ zapas.
Hienierał-major Dźmitryj Bitny vyzvaleny ad pasady namieśnika kamandzira vojskami Zachodniaha apieratyŭnaha kamandavańnia Uzbrojenych sił i pryznačany načalnikam hałoŭnaha ŭpraŭleńnia bajavoj padrychtoŭki Uzbrojenych sił.
Hienierał-major Alaksandr Bas vyzvaleny ad pasady kamandzira vojskami Paŭnočna-zachodniaha apieratyŭnaha kamandavańnia Uzbrojenych sił. Jon zvolnieny z vajskovaj słužby ŭ zapas pa ŭzroście z pravam nasić vajskovuju formu adzieńnia i znaki adroźnieńnia.
Čytajcie taksama:
Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva
Viktaru Chreninu pryznačyli novaha namieśnika
Łukašenka zajaviŭ, što aficer pavinien baranić Radzimu, a nie słužyć dziela kvatery i kuchni