U zasłaŭskaha piensijaniera znajšli doma pierarobleny karabin
U Minskim rajonie siłaviki vyjavili niezakonnaje zachoŭvańnie zbroi i bojeprypasaŭ. Fihurantam kryminalnaj spravy staŭ žychar Zasłaŭja 1955 hoda naradžeńnia, paviedamlaje pristalica.by.
Fota ilustracyjnaje
Pavodle materyjałaŭ śledstva, mužčyna na praciahu doŭhaha času niezakonna zachoŭvaŭ doma, a taksama ŭ inšych miescach zbroju i bojeprypasy.
Ekśpiertyza ŭstanaviła, što ŭ piensijaniera znachodziŭsia palaŭničy karabin, pierarobleny z adnastvolnaj strelby, a taksama patrony roznych kalibraŭ. Častku niebiaśpiečnych znachodak pravaachoŭniki znajšli ŭ jahonym domie ŭ Zasłaŭi, astatnija — ŭ vioscy Prudy Staŭbcoŭskaha rajona.
U dačynieńni da mužčyny zaviali kryminalnuju spravu pavodle častki 2 artykuła 295 Kryminalnaha kodeksa Biełarusi, jakaja praduhledžvaje adkaznaść za niezakonnyja dziejańni sa zbrojaj, bojeprypasami i vybuchovymi rečyvami.
Čytajcie taksama:
Ajcišnika ź vialikim dośviedam asudzili za «finansavańnie ekstremizmu» i zbroju
Šmatdzietny baćka-ajcišnik zamoviŭ cacku na markietpłejsie i atrymaŭ chimiju
U Rečyckim rajonie znajšli na ŭčastku patrony Druhoj suśvietnaj vajny
U milicyi zaklikali biełarusaŭ nie nabyvać rasijskich revalvieraŭ