Šmatdzietny baćka-ajcišnik zamoviŭ cacku na markietpłejsie i atrymaŭ chimiju
Historyju minčuka Mikałaja — baćki čatyroch dziaciej i ajcišnika pa prafiesii — raspaviali ŭ siužecie ANT. Mužčyna staŭ fihurantam kryminalnaj spravy za niezakonny abarot ahniastrelnaj zbroi.
Na papularnym markietpłejsie Mikałaju trapiŭsia revalvier madeli «Buldoh Kurs». Mužčyna byŭ upeŭnieny, što kuplaje biaśpiečny zabaŭlalny tavar, tym bolš što dla afarmleńnia zamovy nie patrabavałasia nijakich dakumientaŭ abo dazvołaŭ.
Zabraŭšy tavar, minčuk niekalki razoŭ vyprabavaŭ jaho ŭ lesie. Adnak pakupka mužčynie nie spadabałasia, bo revalvier akazaŭsia zanadta hučnym.
Jakim mienavita čynam pra nabytak daviedalisia pravaachoŭniki, u telesiužecie nie ŭdakładniajecca, adnak Mikałaj byŭ zatrymany i pravioŭ ceły hod u śledčym izalatary.
Ekśpierty Dziaržaŭnaha kamiteta sudovych ekśpiertyz daśledavali kanstrukcyju «Buldoha». Vyśvietliłasia, što rasijski vytvorca pajšoŭ na chitraść. Zvyčajny traŭmatyčny patron z poracham sumieščany z šarykam. Chitraść «Buldoha» ŭ tym, što dla jaho patrony i šaryki — padzialili. I typu jak pa charaktarystykach užo nie zbroja, a cacka.
Adnak biełaruskaja balistyčnaja ekśpiertyza pryznała revalvier ahniastrelnaj zbrojaj traŭmatyčnaha dziejańnia, abarot jakoj u Biełarusi zabaronieny, bo siła strełu niasie niebiaśpieku dla žyćcia čałavieka.
Za takija dziejańni praduhledžana pakarańnie da 7 hadoŭ źniavoleńnia, i niekatoryja pakupniki «Buldohaŭ» užo atrymali realnyja terminy ŭ kałonii ŭzmocnienaha režymu, havorycca ŭ siužecie. Mikałaju sud pryznačyŭ 5 hadoŭ damašniaj chimii.
Kamientary
Potomu čto on, skorieje vsieho, iz čisła našich priedprinimatielej, a nie potriebitielej-łoškov!