U minskim «Jeŭraopcie» zaŭvažyli elektronnyja ceńniki

Na navacyju ŭ adnym sa staličnych «Jeŭraoptaŭ» źviarnuła ŭvahu adna z karystalnic u Threads, piša Blizko.by. 

«Elektronnyja ceńniki zamiest papiarovych, košty buduć mianiacca aŭtamatyčna. Vyhladajuć niazvykła, takija čornyja ekrančyki», — padzialiłasia navinoj i fota biełaruska.

U kamientarach dziaŭčyna ŭdakładniła, što pakul pabačyła takija ceńniki tolki ŭ «Jeŭraopcie» pobač z CUMam. Jak chutka hety vopyt raspaŭsiudzicca na inšyja kramy sietki i ci vyjdzie za miežy stalicy, pakul niezrazumieła. Adnak, jak adznačyli ŭ abmierkavańniach, u niekatorych krainach Jevropy i Rasii takija ceńniki zaŭvažali ŭžo daŭno.

Biełarusy nieadnaznačna adreahavali na navinu pra novaŭviadzieńnie. Častka ludziej ličyć, što elektronnyja ceńniki dapamohuć źbierahčy papieru i spraścić pracu ŭ kramach.

Adnak inšyja pastavilisia da idei skieptyčna. Niekatoryja zasumniavalisia ŭ jaje ekałahičnaści, adznačajučy, što takija pryłady ŭsio roŭna patrabujuć batarejek abo inšych krynic siłkavańnia.

Niekatoryja karystalniki vykazali mierkavańnie, što elektronnyja ceńniki mohuć pryciahnuć uvahu zładziejaŭ, jak heta ŭžo zdarałasia ŭ Rasii. Inšyja źviarnuli ŭvahu na toje, što nadpisy na takich tabličkach mohuć być zanadta drobnymi, što stvoryć niazručnaści dla ludziej sa słabym zrokam.

Taksama prahučaŭ i žart pra mahčymuju prablemu z chutkaj źmienaj cen: pakupnik moža ŭziać tavar adnym koštam, a pakul dojdzie da kasy, jon užo moža stać inšym.

Kamientary da artykuła