Niamiecki fiermier vyrazaŭ na kukuruznym poli Pucina i Trampa

Fiermier Bieniadykt Lunieman kožny hod stvaraje łabirynty na adnym sa svaich kukuruznych paloŭ kala horada Sielm na zachadzie Hiermanii. U hetym hodzie krynicaj natchnieńnia pasłužyli prezidenty Rasii i ZŠA Uładzimir Pucin i Donald Tramp, piša Deutsche Welle.

Palityki vyjaŭlenyja ŭ vyhladzie dvuch niemaŭlat u padhuźnikach, pry hetym amierykanski prezident trymaje ŭ rukach miač, jaki nahadvaje ziamny šar.

Choć ubačyć hetuju karcinu možna tolki pralatajučy nad polem, fiermier padrychtavaŭ i inšyja zabavy dla tych, chto pryjazdžaje pahladzieć na łabirynt asabista. Naprykład, naviedvalnikam prapanujecca prajści viktarynu, jakaja pavinna nie tolki śmiašyć, ale i prymušać zadumacca.

«Kali hladziš naviny, to časta dzivišsia z taho, što vytvarajuć Tramp i Pucin», — adznačaje fiermier.

Łabirynt u Sielmie možna naviedać na vychadnych, jon zastaniecca da Chełoŭina.

Kamientary da artykuła