Patryjarch Kirył vydaŭ knihu pra «mietafiziku vajny», u jakoj pieramožcaŭ vyznačaje Boh
Patryjarch Maskoŭski i ŭsiaje Rusi Kirył vypuściŭ knihu pad nazvaj «Vajna. Za miežami bačnych pryčyn i nastupstvaŭ», u jakoj razvažaje pra tak zvanuju «mietafiziku vajny». Pra vychad vydańnia paviedamiła pres-słužba Ruskaj pravasłaŭnaj carkvy.
U anatacyi da knihi śćviardžajecca, što vynik vojnaŭ «vyznačajecca Boham», a pieramahaje «toj, chto znachodzicca na baku śviatła». Pavodle aŭtara, vajna moža mieć «vykuplalnaje značeńnie», zakranaje «mietafizičnyja rubiažy i mety Rasii», a taksama maje, jak śćviardžajecca, «rasavy aśpiekt».
U knizie taksama havorycca, što čałaviek pavinien być «vajarom Hospada», supraćstajać złu i abaraniać vysokija maralnyja ideały. Kirył śćviardžaje, što rasijski narod «maje zdolnaść pieramahać» i nie pavinien uchilacca ad svajoj «histaryčnaj misii być pieramožcam». Takija paniaćci, jak achviarnaść, podźvih, patryjatyzm i pieramoha, na jaho dumku, nieabchodna razhladać praz pryzmu duchoŭnaha razumieńnia.
Z pačatku poŭnamaštabnaha rasijskaha ŭvarvańnia va Ukrainu patryjarch Kirył nieadnarazova publična padtrymlivaŭ dziejańni rasijskich uładaŭ. U svaich vystupleńniach jon śćviardžaŭ, što rasijskija vajskoŭcy, jakija ŭdzielničajuć u vajnie, nibyta nie parušajuć zapaviedź «nie zabi», zaklikaŭ dziakavać Bohu za čas kiravańnia Uładzimira Pucina, nazyvaŭ jaho prykładam «dobraha chryścijanina» i zajaŭlaŭ, što ŭdzielniki vajny, jakija zahinuć, mohuć raźličvać na zbaŭleńnie.
U suviazi z takoj pazicyjaj šerah krain Jeŭrapiejskaha sajuza nieadnarazova prapanoŭvaŭ uklučyć patryjarcha Kiryła ŭ sankcyjnyja śpisy. Adnak da hetaha času krainy ES nie zdoleli dasiahnuć adzinaha rašeńnia pa ŭviadzieńni piersanalnych sankcyj suprać kiraŭnika Ruskaj pravasłaŭnaj carkvy.
BPC abaviazali zaŭsiody zhadvać u svajoj naźvie pra Maskoŭski patryjarchat
U patryjarcha Kiryła źjaviŭsia novy abaronca ŭ Jeŭropie
Pierad vizitam patryjarcha Kiryła ŭ Brest miascovych śviataroŭ adpraŭlajuć zdać analizy
Patryjarch Kirył u krasaviku pavinšavaŭ viernikaŭ sa śviatam, jakoje adznačajuć u studzieni. I heta nie była ahavorka
Kamientary