DAI pravodzić maštabnyja rejdy suprać matacyklistaŭ

Z 6 pa 16 žniŭnia ŭ Biełarusi prachodzić prafiłaktyčnaja akcyja «Matacyklist», padčas jakoj supracoŭniki Dziaržaŭtainśpiekcyi, jak paviedamlaje pres-słužba MUS, uzmacnili kantrol za vykanańniem Pravił darožnaha ruchu kiroŭcami motatranspartu.

Zdymak ilustracyjny. Fota: Lookby.media

Tolki za pieršyja čatyry dni akcyi — z 6 pa 9 žniŭnia — było vyjaŭlena kala 748 parušeńniaŭ, učynienych matacyklistami. Dziesiać kiroŭcaŭ zatrymali za kiravańnie ŭ stanie ałkaholnaha apjanieńnia. Jašče 57 čałaviek byli adchilenyja ad kiravańnia, pakolki nie mieli prava kiravać transpartnymi srodkami. 74 matacykły źmiaścili na achoŭnyja stajanki.

Dla praviadzieńnia rejdaŭ zadziejničali maksimalnuju kolkaść motapatruloŭ. Pry vyjaŭleńni hrubych parušeńniaŭ vykarystoŭvajucca taksama bieśpiłotnyja latalnyja aparaty i mahčymaści Respublikanskaj sistemy manitorynhu hramadskaj biaśpieki.

Kamientary da artykuła