Chto byŭ toj bajkier, jaki spravakavaŭ śmiarotnuju honku pa vulicach Bresta, u jakoj zahinuli troje — u tym liku i jon sam
40‑hadovy zvarščyk Andrej Čykun haniaŭ na matacykle pad 200 km/h. I ŭ hety raz na śviatłafory jon prapanavaŭ vypadkova sustretamu «Aŭdzi» paspaborničać. Achviarami stali pasažyrka Andreja — jaje litaralna razarvała na častki — i kiroŭca skutara, jaki viartaŭsia dachaty z rybałki.
31 lipienia ŭ Breście na darozie ŭ napramku vioski Telmy adbyłasia śmiarotnaja avaryja. Kiroŭcy matacykła Honda i aŭtamabila Audi zładzili chutkasny zajezd na ažyŭlenaj vulicy. U vyniku matacykł sutyknuŭsia z mapiedam Viper, jaki ruchaŭsia ŭ tym ža kirunku.
U avaryi zahinuli try čałavieki — kiroŭca matacykła, jaho pasažyrka i kiroŭca mapieda. Pasažyrku matacykła litaralna razarvała na častki.
Matacykłam Honda 929 kiravaŭ 40‑hadovy zvarščyk Andrej Čykun.
Pa sacyjalnych sietkach mužčyny adrazu zrazumieła, što jon žyŭ matacykłam. Lubiŭ chutka jeździć, na śviatłaforach žestami prapanoŭvaŭ kiroŭcam aŭtamabilaŭ zładzić honku.
Navat kali nie paśpiavaŭ stać pobač z mašynaj, pakul haryć čyrvonaje śviatło, časta sam raspačynaŭ spabornictva — i chvaliŭsia hetym. Žartavaŭ, što, navypieradki z BMV viesialej damoŭ jechać.
Vykładaŭ mužčyna i momanty, kali paźbieh avaryi: naprykład, kali licha jechaŭ pamiž šerahami mašyn u zatory i ledź nie sutyknuŭsia z taksi, jakoje pavaročvała.
U kamientarach Čykunu nie adnojčy rabili zaŭvahi, što heta žudasnyja pavodziny na darozie — ale Andrej pisaŭ u adkaz «vielmi miła» i «zatoje nie sumna».
Napiaredadni trahiedyi Andrej žartavaŭ u tredsach na temu biaśpieki dziaŭčat, jakija jeździać za śpinaj bajkieraŭ. Adna z kamientatarak pacikaviłasia, navošta pasažyrkam karystacca šlemam, kali ŭsio astatniaje cieła nie abaroniena ničym. Andrej u adkaz pažartavaŭ pra toje, što ŭ dziaŭčyny na fota akramia šlema jość i kryžyk.
Znajomyja kažuć, što mužčyna sapraŭdy lubiŭ haniać dy kajfavaŭ ad chutkaści 200 kiłamietraŭ na hadzinu. Pierahladajučy videa, jakija zdymaŭ bajkier, možna pabačyć i bolšuju chutkaść — 240 kiłamietraŭ na hadzinu.
Navat šukajučy kampaniju dla pajezdak na «biełaruskija Maldyvy», Andrej udakładniaŭ techničnyja patrabavańni da matacykła kampańjonaŭ — kab nie mienš za 600 kuboŭ.
Mužčyna byŭ u razvodzie, dziaciej u jaho nie było. Byŭ, jak kažuć, u aktyŭnym pošuku — ankiety Andreja jość na roznych servisach znajomstvaŭ. Pieryjadyčna kataŭ dziaŭčat na svaim bajku.
Niadaŭna Andreja pachavali. Na žałobnuju cyrymoniju pryjechała kala 20 matacyklistaŭ. Jany prymacavali bukiet sa štučnych kvietak na miescy avaryi, a na mohiłki pryvieźli vianok sa stužkaj «Viečnaha siezona. Ad motabractva».
Pra 32‑hadovuju pasažyrku Andreja viadoma niašmat — jaje zvali Marynaj.
45‑hadovy Vadzim Litvinčuk, jaki ŭ toj rakavy viečar jechaŭ na mapiedzie, žyŭ u vioscy Telmy-1 razam z baćkami, pracavaŭ na sielskahaspadarčym pradpryjemstvie «Brescki ahraryj» na razvoznaj mašynie. Znajomyja kažuć, što mužčyna nikoli nie lichačyŭ.
Siabry kažuć, što Vadzim viartaŭsia damoŭ z rybałki i nie dajechaŭ litaralna niekalki socień mietraŭ.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Nie chočieš žiť i lubiš žielezo bolšie svojej žiźni i žiźni druhich, tohda viełkom 200 km/čas i v bližajšij stołb, no, tolko ty i etot stołb !!!
Žizń svoju orhanizovať nie smoh i čužije zabrał!...
[Zredahavana]