Alimpijskaja pryziorka Alina Harnaśko pachvaliłasia novym Porsche

Zdajecca, znakamitaja himnastka zaviała tradycyju radavać siabie na dzień naradžeńnia novymi aŭtamabilami. Na 23‑hodździe Alina nabyła Tesla. A ciapier, na 25-hodździe, pakazała ŭ instahramie błakitny Porsche Panamera.

Alina Harnaśko. Tut i dalej fota ź jaje instahrama

Ščaślivaja Alina paziravała na fonie šykoŭnaha aŭtamabila — jana raspaviała, što ździejśniłasia jaje čarhovaja mara.

U Biełarusi ceny na anałahičnyja Porsche Panamera mohuć składać pad 100 tysiač dalaraŭ.

Harnaśko padviała vyniki svajho maładoha žyćcia: «Pieršaja čverć zzadu, jana dakładna źjaŭlajecca samaj pavučalnaj, ciarnistaj, ale i nie mienš jarkaj».

Taksama himnastka padziakavała baćkam za toje, što jany vyraścili «ranimuju, sumlennuju, nie takuju ŭžo i drennuju dziaŭčynku, jakaja zatoje vielmi nie lohka zdajecca».

Vinšavać spartsmienku ŭ kamientary pryjšli śpiavak Rusłan Alachno, bijatłanistka Dynara Alimbiekava, alimpijskaja pryziorka i hienieralnaja sakratarka Nacyjanalnaha alimpijskaha kamitetu Biełarusi Ksienija Sankovič, viadučaja BT Hanna Ejsmant.

U 2024 hodzie (tady himnastcy spoŭniłasia 23 hady) Alina pachvaliłasia Tesla Model Y u maksimalnaj kamplektacyi. Pakupkaj była vielmi zadavolenaja: «Skažu ščyra, zadavolena vielmi, dalikatna, chutka, płaŭna, zručna i, kaniečnie, vielmi pryhoža. Łaŭlu pozirki vydatnaha horada M. Pryzvyčajvajusia da zaradak i kajfuju ad kiravańnia (a asabliva ad aŭtapiłota)».

Ale tady ž dadała, što nie źbirajecca spyniacca na dasiahnutym.

Nahadajem: Alina Harnaśko zavajavała bronzavy miedal u mastackaj himnastycy na Alimpijskich hulniach u Tokia. U 2020 hodzie jana padpisała praŭładny list, a ŭ 2021 chvaliłasia ŭ instahramie, što pacisnuła ruku Alaksandru Łukašenku.

U 2023 hodzie Harnaśko razam ź Viktaram Łukašenkam udzielničała va ŭračystym adkryćci kramy IROS (prezientavałasia jak nacyjanalny brend spartyŭnaha adzieńnia). Alina tady stała aficyjnym tvaram novastvoranaha brendu.

Kamientary da artykuła