U minskim handlovym centry «Zamak» u piatnicu ŭviečary adbyłasia cyrymonija adkryćcia kramy IROS. Heta prezientujecca jak nacyjanalny brend spartyŭnaha adzieńnia.
Jak śćviardžajuć prapahandysty, «hetaj padziei čakali mnohija amatary sportu, zaŭziatary, jakija padtrymlivajuć alimpijskuju kamandu. Bo zajmieć sabie ŭ kalekcyju sapraŭdnuju formu prafiesijnych atletaŭ — mara mnohich».
U adkryćci kramy siarod inšych uziali ŭdzieł Viktar Łukašenka, jaki ciapier kiruje biełaruskim NAK, a taksama viadomyja praŭładnyja spartsmieny.
U jakaści tvaru brenda IROS pradstaŭlajecca bronzavaja pryziorka Alimpijady ŭ Tokia pa mastackaj himnastycy Alina Harnaśko.
Vytvorca brenda — pryvatnaje pradpryjemstva «Soła-Pinsk», jakoje raniej šyła formu dla členaŭ biełaruskaj alimpijskaj zbornaj.
Z kankretnaj pradukcyi ŭ prodažy spartyŭnyja štany, kurtki, džempiery, bajki, kamizelki, kiepki. Ceny na ich roznyja — i mienšyja, i bolšyja. Naprykład, jak piša vydańnie Tochka.by, bieły mužčynski žakiet ź biełaruskim hierbam kaštuje 208 rubloŭ, džempier u čyrvona-zialonych kolerach — 49,5 rubla, čorny žanočy džempier — 80 rubloŭ, kiepki — pa 30 rubloŭ.
Materyjał vykarystoŭvajecca taksama rozny, ale čaściej za ŭsio — poliestar.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami11
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary