USU nanieśli ŭdar pa naftachimičnym kambinacie ŭ Tabolsku
Hienieralny štab Uzbrojenych sił Ukrainy paviedamiŭ, što ŭkrainskija vajskoŭcy nanieśli ŭdar pa naftachimičnym kambinacie «Tabolsk-Naftachim» u horadzie Tabolsk Ciumienskaj vobłaści Rasii.
Jak śćviardžajecca, u vyniku ataki była paškodžanaja centralnaja hazafrakcyjnaja ŭstanoŭka pradpryjemstva.
Hienštab USU adznačaje, što hety zavod vyrablaje syravinu, jakaja maje važnaje značeńnie dla rasijskaha vajskova-pramysłovaha kompleksu. Pradukcyja pradpryjemstva vykarystoŭvajecca dla vytvorčaści kampanientaŭ rakietnaha i avijacyjnaha paliva, kampazitnych materyjałaŭ dla bieśpiłotnikaŭ, a taksama vysokaaktanavych bienzinaŭ.
Raniej hubiernatar Ciumienskaj vobłaści Alaksandr Maor paviedamiŭ, što paśla padzieńnia niekalkich bieśpiłotnikaŭ na terytoryi adnaho z pramysłovych pradpryjemstvaŭ rehijona ŭźnik pažar. Pry hetym nazvu pradpryjemstva jon nie nazyvaŭ.
Ukrainskija krynicy tym časam apublikavali kadry, na jakich, jak śćviardžajecca, zafiksavany mienavita pažar u Tabolsku.
Hety zavod znachodzicca na adlehłaści bolš čym za 2000 kiłamietraŭ ad miažy z Ukrainaj.
Čytajcie taksama:
U vyniku ataki bieśpiłotnikaŭ na tatarski Nižniakamsk zahinuli 12 čałaviek
Padmaskoŭje, Krym, Nižniakamsk i Rastoŭskaja vobłaść padvierhlisia atacy ŭkrainskich bieśpiłotnikaŭ