Abnavili śpis prafiesij, pavodle jakoha buduć stavić na vajskovy ŭlik žančyn
Ministerstva abarony Biełarusi abnaviła pieralik śpiecyjalnaściaŭ, pa jakich žančyn buduć stavić na pieršasny vajskovy ŭlik. Adpaviednyja źmieny ŭniesienyja ŭ pastanovu viedamstva «Ab vyznačeńni pieraliku śpiecyjalnaściaŭ». Pastanova Ministerstva abarony apublikavanaja na Nacyjanalnym pravavym internet-partale Biełarusi.
Zdymak ilustracyjny. Fota: «Vajar»
Havorka idzie pra žančyn, jakija dasiahnuli 19‑hadovaha ŭzrostu i atrymali padrychtoŭku pa śpiecyjalnaściach, nieabchodnych dla Uzbrojenych sił Biełarusi, inšych vojskaŭ i vajskovych farmavańniaŭ.
Asnoŭnuju častku abnoŭlenaha śpisu składajuć miedycynskija śpiecyjalnaści. Vajskovamu ŭliku padlahajuć žančyny, jakija majuć prafiesii doktarki, miedycynskaj siastry, renthienałabarantki, pamočnicy doktara pa ambułatorna-palikliničnaj dapamozie, miedsiastry-aniestezistki i apieracyjnaj miedsiastry.
Pry hetym pieralik nie abmiažoŭvajecca tolki miedykami. U jaho taksama ŭvachodziać pravizarki i farmaceŭtki, a taksama fielčarki vieterynarnaj miedycyny, fielčarki-akušerki i fielčarki-łabarantki.
Takim čynam, abnoŭleny śpis achoplivaje šerah śpiecyjalnaściaŭ, źviazanych ź miedycynaj, farmaceŭtykaj i vieterynarnaj śfieraj. Mienavita najaŭnaść adpaviednaj prafiesijnaj padrychtoŭki źjaŭlajecca padstavaj dla pieršapačatkovaj pastanoŭki žančyny na vajskovy ŭlik u adpaviednaści z novym pieralikam.
Čytajcie taksama:
Jak biełaruskija ŭłady imknulisia pašyryć svoj udzieł u vajnie suprać Ukrainy
Statkievič zmadelavaŭ padziei, što mohuć razharnucca ŭ Biełarusi ŭvosień
Spakuśnik z Kaŭkaza pad vyhladam «śpiecnazaŭca HRU» mietadyčna duryŭ biełaruskuju turystku