Chutka vyjdzie kniha Ihara Karnieja «Inkamunikada. Katavańnie adzinotaj»
Kniha pavinna vyjści na nastupnym tydni.
Fota z fejsbuka Taćciany Niadbaj
«Našaje ź Iharam Karniejem padarožža, raspačataje hod tamu, pierachodzić u novuju fazu — užo 20 žniŭnia vyjdzie kniha Ihara «Inkamunikada. Katavańnie adzinotaj». Siońnia my pačali papiaredni zakaz pa promakošcie, paśla 20 žniŭnia košt knihi budzie vyšejšy. Usie padrabiaznaści — pa spasyłcy. Ale pryznajciesia, vy i tak viedajecie, što kniha atrymałasia kłasnaja, i — što hałoŭnaje — važnaja i nadzionnaja. Što adbyvajecca z čałaviekam, kali jaho pazbaŭlajuć nie tolki svabody, ale i mahčymaści bačyć inšych, havaryć ź imi, adčuvać, što pobač niechta jość? Jak pracuje sistema, jakaja pieratvaraje adzinotu ŭ formu katavańnia?» — napisała ŭ svaim fejsbuku kiraŭnik Biełaruskaha PEN Taćciana Niadbaj.
Były žurnalist Radyjo Svaboda Ihar Karniej byŭ zatrymany ŭletku 2023 hoda i asudžany na try hady znvoleńnia. 21 červienia 2025 hoda jon byŭ vyzvaleny ŭ liku 14 palitviaźniaŭ. Zaraz žyvie z žonka i dačkoj na Azorskich vyspach u Partuhalii.