U homielskaj žanočaj kałonii pamianiaŭsia načalnik
Novym načalnikam homielskaj kałonii №4, u jakoj adbyvajuć pakarańnie žančyny, staŭ 41‑hadovy pałkoŭnik unutranaj słužby Alaksandr Łaŭrynoŭski, piša Mayday.team.
Źniavolenyja ŭ homielskaj kałonii № 4. Fota: «Viasna»
Raniej Łaŭrynoŭski zajmaŭ pasadu namieśnika načalnika arhanizacyi vypraŭlenčaha pracesu ŭpraŭleńnia Departamienta vykanańnia pakarańniaŭ MUS Homielskaj vobłaści.
Jašče raniej jon pracavaŭ načalnikam štaba homielskaha śledčaha izalatara №3.
Raniej kałoniju №4 uznačalvaŭ Stanisłaŭ Kavaloŭ, jakoha pryznačyli na hetuju pasadu ŭ 2024 hodzie. Pavodle źviestak inicyjatyvy DissidentBy, Kavaloŭ akazvaŭ na žančyn psichałahičny cisk, rasparadžaŭsia składać raparty ŭ dačynieńni da palitźniavolenych, a taksama prymaŭ rašeńni pra źmiaščeńnie niekatorych ź ich u ŠIZA i pamiaškańnie kamiernaha typu (PKT).