U Polščy zatrymali rasijanina, jaki źbiraŭsia zabić ukrainca z amierykanskim pašpartam
Polskija słužby zatrymali hramadzianina Rasii, jakoha, pavodle polskich uładaŭ, zavierbavali rasijskija śpiecsłužby dla arhanizacyi zabojstva hramadzianina ZŠA i Ukrainy. Pra heta 13 žniŭnia paviedamiŭ premjer-ministr Polščy Donald Tusk, piša Onet.pl.
Donald Tusk. Fota: Henry Nicholls, Pool Photo via AP
Rasijanina zatrymali 7 žniŭnia ŭ vyniku sumiesnaj apieracyi Ahienctva ŭnutranaj biaśpieki Polščy i palicyi.
Pa słovach Tuska, mierkavanaj achviaraj pavinien byŭ stać čałaviek, jaki maje adrazu dva pašparty — amierykanski i ŭkrainski. Polski premjer zajaviŭ, što hety čałaviek byŭ «niazručnym» dla režymu Uładzimira Pucina, ale jahonaje imia nie nazvaŭ.
Pavodle polskich uładaŭ, zamach płanavałasia ździejśnić u Varšavie. Kaardynatar polskich śpiecsłužbaŭ Tomaš Siemoniak taksama paćvierdziŭ, što zabojstva pavinna było adbycca mienavita ŭ polskaj stalicy.
Tusk nazvaŭ hety vypadak asabliva surjoznym, pakolki, pavodle jaho słoŭ, heta pieršaja viadomaja situacyja, kali čałaviek z Rasii płanavaŭ zamach na hramadzianina ZŠA na terytoryi inšaj krainy NATA — Polščy.
Polski premjer padziakavaŭ polskim słužbam za praviedzienuju apieracyju, a taksama amierykanskim śpiecsłužbam za supracoŭnictva, dziakujučy jakomu, pavodle jaho, udałosia praduchilić zapłanavanaje zabojstva.
Tusk taksama zajaviŭ, što polskija ŭłady pavinny zychodzić z taho, što rasijski režym moža sprabavać fizična likvidavać ludziej, jakich ličyć niazručnymi. U suviazi z hetym jon paabiacaŭ uzmacnić dziejnaść polskich słužbaŭ.
Čytajcie taksama:
Polskija źniščalniki pierachapili nad Bałtyjskim moram rasijski samalot-raźviedčyk
Tusk prakamientavaŭ źbićcio ŭkrainskaj pary va Urocłavie i zaklikaŭ prezidenta «pierastać maŭčać»