Tusk prakamientavaŭ źbićcio ŭkrainskaj pary va Urocłavie i zaklikaŭ prezidenta «pierastać maŭčać»
«Bandyty nabyli śmiełaść». Donald Tusk abvinavaciŭ pravych palitykaŭ u zastupnictvie hvałtu paśla napadzieńnia na ŭkraincaŭ va Urocłavie.
Premjer-ministr Polščy Donald Tusk prakamientavaŭ źbićcio ŭkrainskaj pary va Urocłavie. Kiraŭnik polskaha ŭrada źviarnuŭsia da prezidenta krainy Karala Naŭrockaha z patrabavańniem adreahavać na toje, što adbyvajecca: «Ja napramuju źviartajusia da prezidenta z prośbaj pierastać maŭčać pa hetym pytańni».
Jon nahadaŭ, što raniej Naŭrocki nazyvaŭ futbolnyja bojki «vysakarodnaj rukapašnaj baraćboj», i dadaŭ: «Chaj ciapier pahladzić, jak vyhladaje heta «vysakarodnaja baraćba».
Pavodle polskaha premjera, ahresiŭnyja hrupoŭki adčuli biespakaranaść praz zastupnictva z boku palitykaŭ.
«Bandyty, futbolnyja chulihany — heta patałohija hvałtu — nabyli śmiełaść i biespakaranaść, tamu što atrymali palityčnaje zastupnictva», — skazaŭ Tusk.
Źviarnuŭsia jon i da lidara partyi «Prava i spraviadlivaść» Jarasłava Kačyńskaha. «Ja źviartajusia da spadara Kačyńskaha z prośbaj pierastać zaklikać da stvareńnia bajcoŭskich atradaŭ, jak jon zrabiŭ niadaŭna, tamu što jamu nie padabajecca palicyja. Palicyja atrymaje maju poŭnuju padtrymku ŭ baraćbie z bandytyzmam i hvałtam».
Kiraŭnik polskaha ŭrada pierakanany, što takija napady škodziać samoj Polščy. «Vy dziejničajecie suprać Polščy i ŭ intaresach Rasii, u intaresach nacyjanalizmu. Polskaha i ŭkrainskaha. Niama słoŭ», — skazaŭ jon.
Tusk zaklikaŭ suhramadzian nie zastavacca abyjakavymi i paviedamlać pravaachoŭnikam pra padobnyja fakty ahresii.
Kamientary
"Naŭrocki nazyvaŭ futbolnyja bojki «vysakarodnaj rukapašnaj baraćboj»".
"patałohija hvałtu nabyli śmiełaść i biespakaranaść, tamu što atrymali palityčnaje(!!!) zastupnictva".
Nu, i chto tam, prabačcie, viakaŭ na moj adras, kali ja ćvierdziŭ pa-sutnaści toje samaje ? A maŭčyć Naŭrocki tamu, što jon asabista ŭźniaŭ hradus u hramadztvie, i ja maju dumać, što nie vypadkova. Jon tym samym adkryŭ "šluzy" roznym adpaviednym palityčnym płyniam dy rucham, dy prosta daŭ admašku hrupoŭkam bydlaku.
Spadaru Tusk budzie ciažka vypraŭlać situacyju, bo praces zajšoŭ davoli daloka i, padajecca, znachodzicca na samym uźlocie... Ciapier šmat zaležyć ad skaardynavanaści j rašučaści pravaachoŭnych vorhanaŭ.
Prosta pytańnie, kali łaska biez błakavańnia kamientara.