U minskim Piščałaŭskim zamku ŭmacoŭvajuć padmurki
U Minsku praciahvajecca maštabnaja rekanstrukcyja Piščałaŭskaha zamka ŭ centry horada — budynka kolišniaha SIZA №1 na vulicy Vaładarskaha. 14 žniŭnia staršynia Minharvykankama Uładzimir Kucharaŭ pravioŭ na abjekcie pracoŭnuju naradu, paviedamlaje ahienctva «Minsk-Naviny».
Skrynšot ź videa
Asnoŭnyja raboty ciapier skancentravanyja na budaŭnictvie novaha budynka №3 pavodle hienieralnaha płana, a taksama na rekanstrukcyi dvuchpaviarchovaha budynka №2, jaki maje status histaryčna-kulturnaj kaštoŭnaści i svaim fasadam vychodzić na vulicu Vaładarskaha.
Ścieny hetaha budynka ŭžo ŭziali ŭ časovyja mietaličnyja kanstrukcyi, kab uzmacnić ich apornuju zdolnaść. Unutry pravodzicca demantaž, a taksama ŭzmacniajucca padmurki. Akramia taho, śpiecyjalisty prystupili da ŭzmacnieńnia padmurkaŭ niepasredna samoha Piščałaŭskaha zamka.
Paśla zaviaršeńnia rekanstrukcyi terytoryja zamka, jakomu ŭ 2025 hodzie spoŭniłasia 200 hadoŭ, pavinna pieratvarycca ŭ šmatfunkcyjanalny kompleks.
Płanujecca ŭklučyć terytoryju na vulicy Vaładarskaha ŭ ahulnuju haradskuju prastoru i zrabić jaje častkaj ekskursijnaha maršrutu pa histaryčnym centry Minska.
Čytajcie taksama:
Na terytoryi byłoj Vaładarki ŭžo źnieśli 17 pabudoŭ
Što adbyvajecca ciapier u Piščałaŭskim zamku i jak jon vyhladaje FOTY
U byłoj Vaładarcy płanujuć adkryć muziej
U Minsku raskazali, jakoj budzie byłaja Vaładarka paśla rekanstrukcyi FOTY
Źjavilisia anturažnyja FOTY, jak vyhladaje byłaja Vaładarka nie tolki zvonku, ale i znutry
Tak ciapier vyhladaje byłaja Vaładarka, pastaŭlenaja na rekanstrukcyju FOTAFAKT