U Bałharyi praściej stanie žyć biełarusam bieź dziejnaha pašparta
U Bałharyi źjaviłasia mahčymaść atrymać časovy dakumient, jaki śviedčyć asobu, dla biełarusaŭ z praterminavanymi pašpartami, paviedamiła Narodnaja ambasada Biełarusi ŭ Bałharyi.
Zdymak ilustracyjny. Fota: vecteezy.com
Heta rašeńnie tyčycca biełarusaŭ, jakija majuć dazvoł na pastajannaje abo doŭhaterminovaje pražyvańnie ŭ Bałharyi ŭ adpaviednaści z Dyrektyvaj Rady ES 2003/109/EC. Atrymańnie dakumienta budzie dobraachvotnym.
Pavodle Narodnaj ambasady Biełarusi ŭ Bałharyi, pra heta paviedamiła kiraŭnictva Dyrekcyi «Mihracyja» Ministerstva ŭnutranych spraŭ krainy.
Pry hetym novy dakumient maje istotnyja abmiežavańni. U Bałharyi pakul niama paŭnavartasnaha anałaha pašparta inšaziemca, tamu časovaje paśviedčańnie nie zmoža całkam zamianić sapraŭdny pašpart i budzie mieć abmiežavany funkcyjanał.
Niahledziačy na heta, dla biełarusaŭ takaja mahčymaść moža stać časovym vyrašeńniem častki prablem, źviazanych z adsutnaściu dziejnaha pašparta. Asabliva važnym heta moža być dla dziaciej.
Śpiecyjalnaja pracoŭnaja hrupa pry MUS Bałharyi praciahnie šukać bolš zručny i paŭnavartasny miechanizm vyrašeńnia prablemy.
Akramia taho, u pierśpiektyvie ŭ Narodnym schodzie Bałharyi płanujecca razhledzieć zakonaprajekt, jaki pavinien palepšyć umovy lehalizacyi biełarusaŭ, što znachodziacca ŭ krainie z časovym dazvołam na pražyvańnie.