Biełaruska ź mižnarodnaj abaronaj u Polščy, jakaja zhubiła dakumienty na Malcie, raskazała, jak zmahła viarnucca dadomu
Heta akazałasia nie tak prosta.
Biełaruska Kaciaryna zastałasia na Malcie paśla taho, jak u jaje skrali dakumienty. Jana pakinuła sumku ŭ taksi, a kali zhadała pra jaje, to było ŭžo pozna. «Chutčej za ŭsio, jaje skrali pasažyry, jakija sieli (u taksi) paśla nas», — dzialiłasia jana ŭ sacsietkach.
Składanaści dadavała toje, što ŭ dziaŭčyny byŭ polski DNŽ na padstavie mižnarodnaj abarony. Amal tydzień dziaŭčyna praciahvała być na Malcie, pakul šukała vyjście.
Ciapier jana raskazała ŭ sacsietkach, jak zmahła viarnucca ŭ Polšču.
«Polskaja ambasada prapanavała viarnucca ŭ Polšču praź Sicyliju. Heta było ryzykoŭna i my šukali inšy varyjant».
Dziaŭčyna źviarnułasia ŭ dziaržaŭnaje mihracyjnaje ahienctva Malty. Prablema była ŭ tym, što dla ahienctva było važna, kab pasolstva krainy hramadzianstva (a značyć, biełaruskaje) paćvierdziła asobu dziaŭčyny i nakiravała zapyt na vydaču časovaha dakumienta.
Kaciaryna pierakanała maltyjskaje ahienctva pryniać zapyt ad polskaj ambasady, a paśla ŭprošvała polskuju ambasadu padpisać i adpravić nieabchodnyja dakumienty.
U sieradu dziaŭčyna narešcie viarnułasia ŭ Polšču.
Ale nie abyšłosia biez pryhod. Na padlocie da Varšavy pačałasia navalnica, i samalot nie adrazu pryziamliŭsia ŭ aeraporcie.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary