Łukašenka prapanavaŭ fiermieru z-pad Turava zakłaści sady pad Minskam

Padčas vystupleńnia na fiestyvali «Klič Paleśsia» ŭ Laskavičach Pietrykaŭskaha rajona Alaksandr Łukašenka raskazaŭ, što napiaredadni prapanavaŭ fiermieru Michaiłu Šrubu z-pad Turava niekalki ŭnikalnych paloŭ niepadalok ad stalicy, jakija ciapier razhladajucca pad žyłuju zabudovu. Łukašenka prapanavaŭ vykarystać hetyja ziemli dla stvareńnia vialikich paleskich sadoŭ, piša BiełTA.

Zdymak ilustracyjny. Fota: magnific.com

Pa słovach Łukašenki, jon choča, kab Minsk byŭ akružany sadami i vyhladaŭ padobna da Kišyniova, jaki zapomniŭsia jamu padčas vizitu ŭ Małdovu. Łukašenka adznačyŭ, što fiermier zacikaviŭsia prapanovaj, ale ŭziaŭ čas na rozdum. Adnak jon nie sumniajecca, što Šrub pahodzicca — nadta ž užo pryvabnaja nibyta prapanova.

Ideju stvaryć vialiki sad kala Minska Łukašenka vykazvaŭ jašče ŭ mai padčas narady z uradam. Tady jon prapanoŭvaŭ zakłaści sad, jaki dazvoliŭ by całkam zabiaśpiečvać stalicu jabłykami.

U hetaj zadumcy Łukašenka bačyć nie tolki praktyčnuju karyść. Pavodle jaho słoŭ, horad, akružany sadami ŭ ćviecie, budzie vyhladać nadta pryhoža. 

Kamientary da artykuła