Zatrymali rasijskuju eskortnicu za zabojstva kapitana-pierabiežčyka ŭ Sievastopali
Hłamurnaj rasijskaj eskortnicy vysunuta abvinavačańnie ŭ zabojstvie byłoha kamandzira ŭkrainskaj padłodki, jaki pierajšoŭ na bok Rasii, piša The New York Post.
32‑hadovaja Marharyta Reut była zatrymanaja ŭ Sievastopali ŭ akupavanym Rasijaj Krymie paśla taho, jak u čaćvier, 13 žniŭnia, u vyniku vybuchu zahinuŭ Robiert Šahiejeŭ — aficer Čarnamorskaha fłotu RF, jaki znachodziŭsia va ŭkrainskim vyšuku za dziaržaŭnuju zdradu.
49‑hadovy kapitan 1‑ha ranhu zahinuŭ na miescy.
Reut była chutka zatrymanaja i dała pryznalnyja pakazańni. Jana ŭziataja pad vartu pa abvinavačańni ŭ teraryźmie, pisali rasijskija kanały.
Reut nie raskajvałasia i adkazała «nie» na pytańnie, ci škaduje jana pra zabojstva.
Hramadzianka Rasii Marharyta Reut źjaŭlałasia na eskort-sajtach, a taksama pracavała bijołaham, vyrablała vahinalnyja supazitoryi z kvietkavymi ekstraktami. Jana naradziłasia ŭ Jarasłaŭli, taksama raniej žyła ŭ Sočy.
Nieviadoma, kali i jak jana, jak śćviardžajecca, stała ahientam ukrainskaj raźviedki.
Raniej Reut zatrymlivali ŭ lipieni 2025 hoda paśla taho, jak jana kryčała «Tak vam i treba, rasijanie!» u ciahniku Samara — Adler paśla navin pra ataku ŭkrainskich dronaŭ na čyhunačnuju stancyju ŭ Rastoŭskaj vobłaści Rasii. Jana była zatrymanaja tady na dvoje sutak za niepadparadkavańnie pry aryšcie i aštrafavanaja na 365 dołaraŭ za «dyskredytacyju» rasijskaj armii.
Šahiejeŭ, ukrainski deziercir, pierajšoŭ u rasijskuju armiju paśla anieksii Kryma ŭ 2014 hodzie. Jon — były kamandzir ukrainskaj padvodnaj łodki «Zaparožža».
Vybuch adbyŭsia ŭ śmietnicy pobač ź im, kali jon spuskaŭsia pa leśvicy.