U Sievastopali ŭzarvali byłoha kamandzira ŭkrainskaj padłodki, jaki pierajšoŭ na bok Rasii
Pavodle źviestak VČK-OHPU, padčas vybuchu ŭ Sievastopali zahinuŭ aficer VMF RF Robiert Šahiejeŭ. Zaplečnik z bombaj, pa infarmacyi telehram-kanałaŭ, zakłała žančyna.
U akupavanym Rasijaj Sievastopali ŭ vyniku vybuchu samarobnaha vybuchovaha prystasavańnia, zakładzienaha ŭ śmietnicy kala žyłoha doma, zahinuŭ mužčyna.
Telehram-kanały śćviardžajuć, što pierad vybucham kala doma znachodziłasia žančyna z zaplečnikam, jakaja, imavierna, sačyła za budučaj achviaraj.
Rasijskija kanały pišuć, što zdareńnie moža być dyviersijaj ukrainskich śpiecsłužbaŭ. Aficyjnaha paćviardžeńnia hetaj viersii niama.
Blizki da rasijskich siłavikoŭ kanał 112 piša, što zahinuŭ kapitan 1‑ha ranhu, ale imia jaho nie nazyvaje.
Adnačasova źjaviłasia infarmacyja, što zahinułym moža być Robiert Šahiejeŭ — były kamandzir ukrainskaj padvodnaj łodki «Zaparožža».
Robiertu Šahiejevu 49 hadoŭ, jon były kamandzir ukrainskaj padvodnaj łodki.
Padčas rasijskaj anieksii Kryma ŭ sakaviku 2014 hoda «Zaparožža» była zabłakavanaja rasijskimi vajskoŭcami ŭ Straleckaj buchcie ŭ Sievastopali. Ekipaž spačatku admoviŭsia zdavacca i zabarykadavaŭsia ŭnutry łodki. Sam Šahiejev zajaŭlaŭ, što budzie stajać za Ukrainu da apošniaha. Paźniej adnak, pavodle zahadu Šahiejeva, maraki vyjšli z padvodnaj łodki. «Zaparožža» adbuksavali ŭ Paŭdniovuju buchtu, dzie na joj spuścili ŭkrainski i padniali rasijski ściah.
Paśla hetaha Šahiejeŭ pierajšoŭ na słužbu ŭ VMF Rasii.
Kamientary