Biełarus ubačyŭ u Italii łahatyp miascovaha brenda, jaki mocna nahadaŭ jamu radzimu
Časam u kramach Jeŭropy možna sustreć biełaruskija tavary. Adnak ža mała chto čakaje ŭbačyć adsyłki da papularnych nacyjanalnych brendaŭ u addalenych kutkach zamiežnych dziaržaŭ. Takaja niečakanaja sustreča zdaryłasia z hościem italjanskaha horada Imała Ivanam, pra što jon raskazaŭ na svajoj staroncy ŭ Threads, piša vydańnie Blizko.by.
Chłopiec źviarnuŭ uvahu na płakat z kaśmietykaj dla dohladu vałasoŭ. U naźvie brenda była prykmietnaja litara, jakuju praktyčna kožny biełarus paznaje bieź nijakich ciažkaściaŭ.
«Dzieści ŭ italjanskaj hłuchmieni natchnilisia «Bielitaj», — padpisaŭ fota aŭtar.
Nasamreč, adnak, nijakaha płahijatu niama. Pieršapačatkova «Bielita-Viteks» była supolnaj vytvorčaściu BSSR i Italii, stvoranaj u 1989 hodzie. Partnioram ź italjanskaha boku było pradpryjemstva GVF. Mienavita jamu i naležyć liniejka It&ly Hairfashion, čyja charakternaja vienzielnaja litara ŭ čyrvona-zialonych kolerach stała złučalnym źvianom u novym brendzie.
Čytajcie taksama:
«U dzień na ježu tracim 30—40 BYN». Jak žyvie ŭ Biełarusi siamja z dachodam 3 000 BYN
U Minsku viadomyja vytvorcy kaśmietyki adkryvajuć niezvyčajnuju kaviarniu
Žančyna nabyła ŭ firmovaj kramie «Bielity» padarunkavy siertyfikat. U inšaj kramie jaho nie pryniali