Žančyna nabyła ŭ firmovaj kramie «Bielity» padarunkavy siertyfikat. U inšaj kramie jaho nie pryniali
Žycharka Pinska raskazała ŭ sacsietkach, što kupiła padarunkavy siertyfikat u firmovaj kramie «Bielita» i padaryła jaho maci. Adnak u inšaj kramie hetaha samaha brendu, užo ŭ Mahiloŭskaj vobłaści, siertyfikat prymać admovilisia. Aficyjnamu akaŭntu «Bielity» ŭ Threads daviałosia tłumačyć situacyju, piša Telegraf.news.
Žančyna aburyłasia, što pra abmiežavańni jaje nichto zahadzia nie papiaredziŭ: siertyfikat byŭ nabyty ŭ Pinsku, a vykarystać jaho ŭ Asipovičach nie dazvolili, patłumačyŭšy, što tam prymajucca tolki siertyfikaty, vydadzienyja ŭ miežach Mahiloŭskaj vobłaści.
Pradstaŭnik kampanii rastłumačyŭ, što kramy ŭ Bresckaj i Mahiloŭskaj abłaściach naležać roznym jurydyčnym asobam. Z-za hetaha siertyfikaty, nabytyja ŭ adnych pradstaŭnikoŭ, sapraŭdy nielha vykarystoŭvać u inšych. U «Bielicie» śćviardžajuć, što takaja infarmacyja pavinna paznačacca na samich siertyfikatach i na sajcie, a taksama paviedamlacca padčas prodažu.
Adnak heta tłumačeńnie nie zadavoliła pakupnicu. Jana adznačyła, što pry kupli joj skazali, nibyta siertyfikat dziejničaje ŭ luboj firmovaj kramie. Što było napisana na samim siertyfikacie, dakładna nieviadoma, bo jaho fota nie apublikavali.
Inšyja karystalniki taksama vykazali niezadavolenaść, nazvaŭšy takuju praktyku niedapuščalnaj u 2026 hodzie.
Na sajcie «Bielity» paźniej znajšli infarmacyju, što pieralik kramaŭ, dzie možna vykarystać siertyfikat, paznačany na jaho advarotnym baku, a sam siertyfikat bieź piačatki, podpisu pradaŭca i čeka ličycca niesapraŭdnym.
Hetaja historyja pakazała, što padarunkavyja siertyfikaty «Bielity», nabytyja ŭ adnym rehijonie Biełarusi, mohuć nie prymacca ŭ inšym, niahledziačy na adnolkavyja šyldy kramaŭ. Kab nie sutyknucca z prablemami, pakupnikam, akazvajecca, treba źviartać uvahu nie tolki na brend, ale i cikavicca, jakaja jurydyčnaja asoba na jakoj terytoryi im kiruje.
«Vydali kaŭbasu, jakuju my nie jamo». Jak na biełaruskich pradpryjemstvach vinšujuć z Dniom rabotnikaŭ sielskaj haspadarki
Jakija časy, takija i prezienty: u biełaruskich aptekach možna nabyć padarunkavyja siertyfikaty
Krama admoviłasia pryniać padarunkavy siertyfikat biez čeka. Ci zakonna heta?
Krama adzieńnia ŭ Minsku pradaje padarunkavy siertyfikat na 5000 rubloŭ
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»88
Kamientary
Siertifikaty vsiem do sr*ki..
Dieńhi prinimajutsia v lubom mahazinie biez ohraničienij...