Hrupa «čałaviekaŭ-pavukoŭ» paŭtaryła lehiendarnuju miemnuju scenu ŭ centry Minska

U centry Minska zaŭvažyli niezvyčajnuju kampaniju prychilnikaŭ Marvel — kala dziesiaci čałaviek u kaściumach Čałavieka-pavuka, piša Blizko.by.

«Pavukovy» desant źjaviŭsia ŭ stalicy na fonie vialikaj cikavaści da premjery filma «Čałaviek-pavuk: Novy dzień». Premjera vyklikała vialiki ažyjataž siarod prychilnikaŭ komiksaŭ i kino: sajty art-kinateatraŭ nie vytrymlivali napłyvu naviedvalnikaŭ, a kvitki na pakazy 13 žniŭnia raskuplali litaralna za niekalki hadzin. Na premjeru pryjazdžali navat hledačy z Rasii.

Posmotrieť v Threads

Adnu z hrup zaŭvažyli ŭviečary 15 žniŭnia ŭ centry Minska. Kala dziesiaci maładych ludziej u adnolkavych kaściumach Čałavieka-pavuka prajšlisia pa vulicach Kastryčnickaj i Internacyjanalnaj.

Udzielniki kampanii pavodzili siabie spakojna: hulali pa horadzie, fatahrafavalisia ź minakami, katalisia na elektrasamakatach i žartoŭna paŭtarali znakamituju scenu z multsieryjała 1990‑ch hadoŭ, jakaja paźniej pieratvaryłasia ŭ papularny internet-miem.

Paźniej niezvyčajnuju «pavukovuju delehacyju» zaŭvažyli ŭžo ŭ kłubie Modul Art Platform. Tam udzielniki kampanii praciahnuli viečar na tancplacoŭcy.

Kamientary da artykuła