Novy «Čałaviek-pavuk» staŭ druhim samym paśpiachovym debiutam za historyju Halivuda
Za pieršyja vychodnyja jon sabraŭ u suśvietnym prakacie $927 miljonaŭ.
Film «Čałaviek-pavuk: Novy dzień» (Spider-Man: Brand New Day) ad Sony Pictures z Tomam Chołandam i Ziendajej u hałoŭnych rolach sabraŭ $355 miljonaŭ u pieršy ŭik-end u prakacie ŭ Paŭnočnaj Amierycy. Heta druhi samy paśpiachovy debiut u historyi Halivudu. Pieršaje miesca ŭ historyi pakul za «Mściŭcami: Finał» (2019 hoda) — $357,1 miljona, paviedamlaje Hollywood Reporter.
U prakacie pa inšych krainach novy «Čałaviek-pavuk» sabraŭ $572 miljony — ahułam atrymlivajecca $927 miljonaŭ za pieršyja vychadnyja. Heta druhi vynik u historyi — na pieršym miescy tut taksama «Mściŭcy: Finał» z $1,2 miljarda.
Biudžet filma skłaŭ $225 miljonaŭ. Asnoŭnaja aŭdytoryja — maładziožnaja mužčynskaja publika: 36% hledačoŭ byli va ŭzroście ad 18 da 24 hadoŭ, a 61% usiaho zała składali mužčyny.
Hety nadzvyčajny start adbyŭsia na fonie dyskusij pra mahčymuju stomlenaść hledačoŭ ad franšyz i supierhierojskaha žanru, asabliva paśla niaŭdałaha prakatu «Supierhiorł» ad DC Studios hetym letam.
U filmie taksama źnialisia Sejdzi Sink, Jakab Batałon, Džon Bierntał i Mark Rufała. Siužet skancentravany na vyprabavańniach adzinokaha žyćcia Pitera Parkiera, pakul na jaho nie vychodzić niabačny vorah.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary