Група «чалавекаў-павукоў» паўтарыла легендарную мемную сцэну ў цэнтры Мінска

У цэнтры Мінска заўважылі незвычайную кампанію прыхільнікаў Marvel — каля дзесяці чалавек у касцюмах Чалавека-павука, піша Blizko.by.

«Павуковы» дэсант з'явіўся ў сталіцы на фоне вялікай цікавасці да прэм'еры фільма «Чалавек-павук: Новы дзень». Прэм'ера выклікала вялікі ажыятаж сярод прыхільнікаў коміксаў і кіно: сайты арт-кінатэатраў не вытрымлівалі наплыву наведвальнікаў, а квіткі на паказы 13 жніўня раскуплялі літаральна за некалькі гадзін. На прэм'еру прыязджалі нават гледачы з Расіі.

Посмотреть в Threads

Адну з груп заўважылі ўвечары 15 жніўня ў цэнтры Мінска. Каля дзесяці маладых людзей у аднолькавых касцюмах Чалавека-павука прайшліся па вуліцах Кастрычніцкай і Інтэрнацыянальнай.

Удзельнікі кампаніі паводзілі сябе спакойна: гулялі па горадзе, фатаграфаваліся з мінакамі, каталіся на электрасамакатах і жартоўна паўтаралі знакамітую сцэну з мультсерыяла 1990‑х гадоў, якая пазней ператварылася ў папулярны інтэрнэт-мем.

Пазней незвычайную «павуковую дэлегацыю» заўважылі ўжо ў клубе Modul Art Platform. Там удзельнікі кампаніі працягнулі вечар на танцпляцоўцы.

Каментары да артыкула