Siarhiej Cichanoŭski zapuściŭ svoj jutub-kanał ź vieršami i kazkami
Eks-palitviazień kaža, što jašče siedziačy ŭ turmie vyrašyŭ stvaryć taki kanał. Siońnia jon jaho prezientavaŭ.
Noċ, ulica, fonaŕ, aptieka,
Biescmyślennyj i łživyj bried.
Živi jeŝio choť čietvierť vieka —
Vsio budiet tak, ischoda niet.
Otkiniešsia, načnioš snačała,
I povtoritsia vsio kak vstaŕ:
Nazvanije jutub-kanała,
Aptieka, ulica, fonaŕ.
Tak Cichanoŭski prezientavaŭ svoj kanał z adsyłkaj na viadomy vierš pačatku XX stahodździa Alaksandra Błoka «Noċ, ulica, fonaŕ, aptieka».
Jon kaža, što, jašče siedziačy ŭ turmie ŭ 2023 hodzie, vyrašyŭ stvaryć kanał dla svaich vieršaŭ. «Vieršy — heta lusterka dušy, ja zaprašaju ŭsich zazirnuć mnie ŭ dušu», — zaklikaŭ eks-palitviazień.
Nastupnym videa stała «Novaja biełaruskaja kazka», napisanaja ŭ 2023 hodzie.
Na videa Cichanoŭski idzie pa lesie. Mahčyma, heta vakolicy Łos-Andželesa, dzie ciapier žyvie muž Śviatłany Cichanoŭskaj.
«Daŭnym-daŭno, u niejkim carstvie, 375‑m haspadarstvie, žyŭ sabie čaroŭny narodziec, padobny da inšych, ale vyrodziec. A vyrodstva było ŭ tym, što byŭ pazbaŭleny svabody», — pačynaje apovied eks-palitviazień.
Siarhiej Cichanoŭski, nahadajem, pravioŭ za kratami piać hadoŭ, vyjšaŭ na volu ŭ červieni 2025 hoda pa pamiłavańni, niejki čas žyŭ u Vilni, a potym pierabraŭsia ŭ ZŠA, niejki čas žyŭ ź dziećmi ŭ Majami, a potym pierajechaŭ u Łos-Andželes.
«Siońnia ŭ Łos-Andželesie ja vyvučaju anhlijskuju movu, rychtujusia da pastupleńnia va ŭniviersitet, pišu knihu i zajmajusia tvorčaściu. Ja taksama ŭdziačny ŭsim, chto padtrymaŭ mianie paśla vyzvaleńnia. Adaptacyja da žyćcia na voli — heta niaprostaje vyprabavańnie. Kožny novy dzień nahadvaje mnie, nakolki kaštoŭnyja siamja, svaboda i mahčymaść havaryć praŭdu», — raskazvaŭ jon.
Dzieci — Karniej i Ahnija — ciapier žyvuć sa Śviatłanaj Cichanoŭskaj u Varšavie.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
(Nu adkul ruskamu kaščeju viedać pra Vialikaje Kniastva Litoŭskaje i Statut VKŁ, Mahdeburskaje prava i inšyja fakty historyi Svabodnaj ad rasiejskaj i łukašysckaj (taksama prarasiejskaj) akupacyi Biełarusi.
Pazoryšča jakoje. Hańba Cichanoŭskamu. Tak prynižać biełaruski narod!....