Biełaruskija turysty znajšli ŭ harach Kazachstana čałaviečyja pareštki

Biełaruskija turysty znajšli čałaviečyja pareštki ŭ harach Ałmacinskaj vobłaści na poŭdni Kazachstana. Znachodku jany zrabili padčas spusku paśla dvuchtydniovaha hornaha pachodu, paviedamlaje tengrinews.kz.

Fota: facebook.com/akhmetova.kz

Jak paviedamiła ŭ fejsbuku aŭtarka pasta z Kazachstana, 16 žniŭnia jaje siabry-biełarusy, jakija zajmalisia hornym turyzmam, znajšli na ledaviku Sieviarcova pareštki čałavieka, jaki, mierkavana, byŭ turystam.

Fota: facebook.com/akhmetova.kz

Turysty adrazu paviedamili pra znachodku ratavalnikam. Ciapier supracoŭniki Departamienta pa nadzvyčajnych situacyjach Ałmacinskaj vobłaści sumiesna z palicyjaj vyśviatlajuć abstaviny i asobu zahinułaha.

Dla spusku pareštkaŭ ź ledavika byŭ nakiravany viertalot MNS sa śpiecyjalistami Respublikanskaha apieratyŭna-vyratavalnaha atrada «Barys» i Centra miedycyny katastrof.

Ratavalniki padkreślili, što praca ŭskładniajecca vialikaj vyšynioj, ciažkadastupnaściu rajona, składanym hornym reljefam, stromkimi schiłami i surovymi ŭmovami vysakahorja.

Paśla spusku pareštkaŭ śpiecyjalisty pavinny buduć ustanavić asobu zahinułaha, u tym liku pry nieabchodnaści z dapamohaj DNK-ekśpiertyzy.

Kamientary da artykuła