Stała viadoma, dzie zbornaja Biełarusi praviadzie chatnija matčy Lihi nacyj

Pieršy namieśnik staršyni Biełaruskaj fiederacyi futbołu Andrej Vasilevič raspavioŭ, što chatnija matčy Lihi nacyj zbornaja Biełarusi budzie pravodzić u Vienhryi, piša football.by.

Fota: football.by

«Hulać budziem u Budapiešcie, ale dakładna nie na arenie imia Fierenca Puškaša. Vybar Vienhryi ŭ jakaści miesca praviadzieńnia matčaŭ maje kompleksny charaktar. Fiederacyja futboła hetaj krainy idzie nam nasustrač i zaŭsiody dapamahaje, za što joj vialikaja padziaka. Tak, razhladali i inšyja varyjanty, ale tut i vizavaje pytańnie vyrašajecca, i łahistyčna zručniej, tamu i spynilisia na Vienhryi», — skazaŭ jon.

Nahadajem, zbornaja Biełarusi vystupić u hrupie C1, dzie jaje supiernikami buduć nacyjanalnyja kamandy Ałbanii, Finlandyi i San-Maryna.

Pryčym sioleta turnir Lihi nacyj budzie krychu madyfikavany. Adrazu zbornyja zhulajuć pa čatyry pajadynki. 

Zbornaja Biełarusi pačnie turnir haściavym matčam suprać Ałbanii 26 vieraśnia, potym 29 vieraśnia budzie hulnia ŭ Turku suprać Finlandyi. Adpaviedna, 3 i 6 kastryčnika ŭmoŭna chatnija hulni suprać San-Maryna i Finlandyi ŭ Vienhryi.

U listapadzie projduć pazastałyja dźvie hulni: 12 listapada suprać San-Maryna ŭ haściach, 15 listapada z Ałbanijaj u Vienhryi.

Paśla pačatku vajny va Ukrainie ŭ vyniku kaśmietyčnych sankcyj biełaruskija zbornyja i kłuby hulajuć chatnija pajadynki ŭ niejtralnych krainach biez hledačoŭ. Aproč Vienhryi, zbornyja i kłuby hulali ŭ Sierbii, Bałharyi i Azierbajdžanie.

Kamientary da artykuła