Hałoŭny trenier zbornaj Biełarusi pa futbole nazvaŭ zadaču zbornaj u Lizie nacyj, dzie supiernikami buduć Ałbanija, Finlandyja i San-Maryna.
«Niecikava z treciaha miesca pahražać čaćviortamu. Treba rabić usio mahčymaje, kab kroknuć uvierch. Čamu nie? Kali b u nas u hrupie byli Ispanija z Charvatyjaj, to i zadačy stavilisia b inšyja. My ž razumiejem, što heta treci košyk i siły kamand plus-minus roŭnyja. Tak, ałbancy i finy pavodle rejtynhu krychu vyšejšyja za nas, ale ŭ lubym vypadku — pobač. Tamu i nacelvacca treba na pieršaje miesca. Mnie zdajecca, heta pravilna», — skazaŭ hałoŭny trenier zbornaj Biełarusi.
Čarhovy rozyhryš futbolnaj Lihi nacyj startuje praź miesiac. Biełaruś hulaje ŭ dyvizijonie S (samy mocny dyvizijon — A, potym idzie V, D — samy słaby). Supiernikami buduć zbłrnyja Ałbanii, Finlandyi i San-Maryna.
Zbornaja, što zojmie pieršaje miesca ŭ hrupie, napramuju vyjdzie ŭ dyvizijon V. Zbornaja, što zojmie druhoje miesca, budzie hulać u stykavych matčach sa zbornaj, što zojmie treciaje miesca ŭ dyvizijon V, dzie hulajuć kamandy ŭzroŭniu Irłandyi, Kosava, Rumynii, Hruzii, Uelsa dy inš.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač2
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary