Štarmavy viecier pakinuŭ biez elektryčnaści bolš za 30 nasielenych punktaŭ Hrodzienščyny
22 žniŭnia na Hrodzienskuju vobłaść abrynuŭsia mocny viecier, jaki prynios cykłon «Pryska». Najbolš ad niepahadzi paciarpieli Hrodzienski, Ščučynski, Mastoŭski i Voranaŭski rajony, paviedamlaje «Hrodnaenierha».
Zdymak ilustracyjny. Fota: «Naša Niva»
«Hrodnaenierha» ŭviało asablivy režym pracy. Śpiecyjalisty adnaŭlajuć elektrazabieśpiačeńnie ŭ nasielenych punktach, jakija paciarpieli ad stychii. Na hety momant biez elektryčnaści zastajucca bolš za 30 nasielenych punktaŭ rehijona.
Asnoŭnaj pryčynaj avaryj stali abryvy pravadoŭ paśla padzieńnia drevaŭ. Dla likvidacyi nastupstvaŭ niepahadzi ŭ paciarpiełych rajonach zadziejničali nieabchodnuju śpiecyjalnuju techniku, abstalavańnie i dadatkovy piersanał.
Raniej na 22 žniŭnia ŭ Biełarusi abviaścili aranžavy i čyrvony ŭzroŭni niebiaśpieki. Ratavalniki papiaredžvali pra škvalisty viecier z paryvami da 27 mietraŭ u siekundu.
Čytajcie taksama:
Stała viadoma, jakoje nadvorje budzie ŭ apošni tydzień leta
U subotu prahnazujucca navalnicy
U Biełaruś prychodzić cykłaničnaja depresija «Marharet»
Na nastupnym tydni ŭžo moža adčuvacca chutki nadychod vosieni