Na hetym tydni nadvorje ŭ Biełarusi budzie vielmi niaŭstojlivym. Paśla ciopłaha i adnosna suchoha pieryjadu kraina trapić pad upłyŭ šyrokaj cykłaničnaj depresii «Marharet». Jana pryniasie atmaśfiernyja franty, značnyja apadki, navalnicy i mocny paryvisty viecier, paviedamlaje Biełhidramiet.
Sinoptyki adznačajuć, što nadvorje spačatku rezka źmienicca ŭ bok prachałody i daždžoŭ, a zatym tempieratura znoŭ pačnie pavyšacca.
18 i 19 žniŭnia ŭ Biełaruś budzie pastupać bolš chałodnaje pavietra z paŭnočnych šyrot. Tempieratura składzie ad +14 da +24 °C. Na paŭdniovym uschodzie 18 žniŭnia budzie ciaplej — da +27 °C.
18 žniŭnia, u aŭtorak, na bolšaj častcy terytoryi krainy projduć daždžy, u mnohich rajonach — mocnyja zalevy. Miescami, a na paŭdniovym uschodzie na bolšaj častcy terytoryi čakajucca navalnicy. Pry navalnicach mahčymy škvalisty viecier z paryvami da 15—20 m/s. Nočču budzie +9…+15 °C, na poŭdni — da +18 °C. Udzień — +14…+20 °C, na paŭdniovym uschodzie — +21…+27 °C.
19 žniŭnia, u sieradu, prahnazujucca karotkačasovyja daždžy. Unačy na poŭnačy krainy mahčymyja mocnyja apadki, miescami — navalnicy. Paryvy vietru na ŭschodzie ŭnačy i na paŭnočnym uschodzie ŭdzień mohuć dasiahać 15—20 m/s. Nočču tempieratura apuścicca da +7…+14 °C, udzień budzie +17…+24 °C.
20 žniŭnia, u čaćvier, znoŭ projduć karotkačasovyja daždžy, miescami mahčymyja navalnicy. Unačy čakajecca +9…+15 °C, udzień — +18…+26 °C.
21 žniŭnia, u piatnicu, daždžy projduć na bolšaj častcy terytoryi Biełarusi. U asobnych rajonach mahčymyja navalnicy, padčas jakich viecier budzie ŭzmacniacca da 15—20 m/s. Nočču — +8…+14 °C, na poŭdni miescami da +16 °C. Dniom pavietra prahrejecca da +21…+27 °C.
22 žniŭnia, u subotu, čakajucca karotkačasovyja daždžy, miescami navalnicy i mocny viecier z paryvami da 15—20 m/s. Nočču budzie +10…+16 °C, na poŭdni — da +18 °C. Udzień — +20…+27 °C, na paŭdniovym uschodzie miescami da +29 °C.
23 žniŭnia, u niadzielu, zachavajucca karotkačasovyja daždžy i miescami navalnicy. Na paŭnočnym uschodzie padčas navalnic mahčymyja paryvy vietru da 15—20 m/s. Nočču tempieratura składzie +10…+17 °C, udzień — +20…+27 °C.
Takim čynam, «Marharet» pryniasie Biełarusi niekalki dzion niaŭstojlivaha nadvorja z daždžami, navalnicami i mocnym vietram. Pry hetym užo z 20 žniŭnia pačniecca pastupovaje paciapleńnie, i da kanca tydnia tempieratura miescami znoŭ nablizicca da +29 °C.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary