Minčuk zakazaŭ 101 ružu, ale padaryć bukiet dziaŭčynie nie zmoh

19‑hadovy minčanin zakazaŭ praź internet bukiet sa 101 čyrvonaj ružy, kab paradavać svaju dziaŭčynu. Adnak zamiest kvietak jon straciŭ 200 rubloŭ i staŭ achviaraj machlaroŭ, paviedamlaje HUUS Minskaha harvykankama.

Zdymak ilustracyjny. Fota: magnific.com

Chłopiec znajšoŭ u internecie kvietkavuju kramu, dzie bukiet prapanoŭvali pa pryvabnaj canie. Pradaviec paabiacaŭ taksama dadać da zakazu paštoŭku z ramantyčnym nadpisam. Adzinaj umovaj była poŭnaja pieradapłata, tamu minčuk pieravioŭ na nazvany rachunak 200 rubloŭ.

Pry hetym chłopca nie naściarožyła, što apošniaja publikacyja ŭ akaŭncie kramy była zroblena jašče ŭ vieraśni minułaha hoda.

U pryznačany čas bukiet tak i nie pryvieźli. «Mieniedžar» pierastaŭ adkazvać na paviedamleńni, a paśla ŭvohule zabłakavaŭ pakupnika.

Chłopiec źviarnuŭsia ŭ milicyju. Pa fakcie machlarstva raspačali kryminalnuju spravu.

Dla taho, kab nie traplać u takija situacyi, nie varta rabić kupli praz sumnieŭnyja akaŭnty ŭ sacyjalnych sietkach, asabliva kali pradaviec patrabuje poŭnuju pieradapłatu. Vialikaja kolkaść padpisčykaŭ i pryhožyja fatahrafii ŭ profili taksama nie harantujuć nadziejnaści pradaŭca. Lepš karystacca pravieranymi servisami.

Kamientary da artykuła