Biełarus chacieŭ pabahacieć u Narviehii, ale tolki sam patraciŭ hrošy
Minčuk chacieŭ pajechać na pracu ŭ Narviehiju naftavikom i tam dobra zarabić, ale ŭ vyniku staŭ achviaraj machlaroŭ. Jon navat zapłaciŭ nibyta dziaržaŭnuju pošlinu za afarmleńnie dakumientaŭ, adnak hrošy nasamreč pieraličvaŭ afierystam, piša HUUS Minskaha harvykankama.
U Frunzienskaje RUUS źviarnuŭsia 44‑hadovy žychar Minska, jaki trapiŭ u machlarskuju schiemu padčas pošuku pracy za miažoj.
Mužčyna ŭbačyŭ u internecie rekłamu vakansii naftavika ŭ Narviehii. Prajšoŭšy pa spasyłcy, jon źviazaŭsia z čałaviekam, jaki pradstaviŭsia pradstaŭnikom pracadaŭcy. Surazmoŭca padrabiazna raskazaŭ pra ŭmovy pracy i pierakanaŭča patłumačyŭ, jak budzie adbyvacca afarmleńnie nieabchodnych dakumientaŭ.
Paźniej minčuku dasłali spasyłku, praź jakuju jon pavinien byŭ zapoŭnić ankietu sa svaimi piersanalnymi danymi. Paśla hetaha jamu paviedamili, što dla afarmleńnia dakumientaŭ nieabchodna zapłacić dziaržaŭnuju pošlinu.
Pavieryŭšy nieznajomcam, mužčyna niekalkimi płaciažami pieraličyŭ im bolš za 3500 rubloŭ.
Kali ž machlary paśla taho pačali cisnuć na jaho i patrabavać dalejšych dziejańniaŭ, minčuk naściarožyŭsia i pa paradzie znajomaha vyrašyŭ źviarnucca ŭ milicyju.
Pa fakcie machlarstva raspačataja kryminalnaja sprava.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary