Prezidentku Słavienii zapadozryli ŭ suviaziach z rasijskaj raźviedkaj
Parłamiencki kamitet Słavienii pa pytańniach biaśpieki zapatrabavaŭ ad raźviedvalnaj słužby SOVA terminovuju infarmacyju pra mahčymyja suviazi prezidentki krainy Natašy Pirc-Musar z rasijskimi śpiecsłužbami. Pasiadžeńnie z pradstaŭnikami raźviedki płanujuć pravieści na nastupnym tydni, piša The Moscow Times.
Nataša Pirc-Musar. Fota: AP Photo/Kirsty Wigglesworth
Padstavaj dla pravierki stali publikacyi pra daŭniuju siabroŭku prezidentki Viktoryju Kryvałuckuju — hramadzianku Słavienii rasijskaha pachodžańnia. Jak vyśvietliłasia, raniej jana mieła ramantyčnyja adnosiny z Ramanam Jehličam, byłym supracoŭnikam słavienskaj raźviedki, jaki ŭ siaredzinie 1990‑ch hadoŭ źbieh u Rasiju.
Deputat ad kiroŭnaj pravacentrysckaj Słavienskaj demakratyčnaj partyi Žan Machnič zaklikaŭ urad spynić pieradaču Pirc-Musar raźviedvalnaj infarmacyi i materyjałaŭ, źviazanych z pytańniami biaśpieki. Jon zajaviŭ, što aścierahajecca mahčymych suviaziaŭ prezidentki z rasijskaj špijonskaj sietkaj.
Ofis Pirc-Musar kateharyčna adchiliŭ padazreńni ŭ jaje suviaziach z rasijskimi śpiecsłužbami.
Cikavaść da hetaj historyi ŭźnikła paśla avaryi z udziełam aŭtamabila prezidentki. U kancy lipienia Pirc-Musar była špitalizavanaja ź pierałomam klučycy. Kryvałuckaja ŭ momant avaryi taksama znachodziłasia ŭ mašynie.
Słavienskija ŚMI raniej paviedamili pra ciesnyja suviazi Kryvałuckaj z Ramanam Jehličam. Jana paćvierdziła, što jany byli ŭ ramantyčnych adnosinach i niekalki hadoŭ žyli razam u Rasii. Pavodle jaje słoŭ, suviaź z byłym raźviedčykam jana nie padtrymlivaje ŭžo bolš za 15 hadoŭ.
Čytajcie taksama:
Premjeram Słavienii staŭ nacyjanalist i prychilnik Trampa
Śpikier parłamienta Słavienii paabiacaŭ refierendum ab vychadzie krainy z NATA
U Słavienii prarasijskaha palityka abrali śpikieram parłamienta