Śpikier parłamienta Słavienii paabiacaŭ refierendum ab vychadzie krainy z NATA
«U mianie niama prarasijskich pohladaŭ, tolki prasłavienskija. My śćviardžajem, što Słavienija pavinna vieści palityku samastojna, suvierenna», — skazaŭ Zoran Stevanavič.
Pra płany arhanizavać refierendum pa pytańni vychadu Słavienii sa składu NATA zajaviŭ staršynia Dziaržaŭnaha schodu (nižniaj pałaty parłamienta) Słavienii, lidar partyi «Praŭda» Zoran Stevanavič.
«U mianie niama prarasijskich pohladaŭ, tolki prasłavienskija. My śćviardžajem, što Słavienija pavinna vieści palityku samastojna, suvierenna. <…> My kateharyčna suprać umiašańnia ŭ zamiežnyja vajennyja i dypłamatyčnyja sprečki, bo Słavienija nikoli nie atrymlivaje ad hetaha vyhody. <…> My paabiacali narodu pravieści refierendum ab vychadzie z NATA, i my praviadziom hety refierendum», — skazaŭ jon u intervju dla Radyjo i telebačańnia Słavienii.
Stevanavič padkreśliŭ hatoŭnaść supracoŭničać «z usimi krainami śvietu, asabliva ź vialikimi dziaržavami», ale dadaŭ, što heta supracoŭnictva nikoli nie pavinna aznačać padparadkavańnie. «Dobryja adnosiny z usimi, ale ŭ intaresach Słavienii», — adznačyŭ jon.
Partyja padtrymlivaje refierendum ab vychadzie z NATA, ale adnosna refierendumu ab vychadzie ź Jeŭrapiejskaha sajuza (ES) Stevanavič zajaviŭ, što jon nie budzie pazityŭna ŭspryniaty narodam, bo kraina atrymlivaje ad ES dastatkova šmat vyhady. Pry hetym staršynia Dziaržaŭnaha schodu adznačyŭ, što «Lublana pavinna znoŭ stać hałoŭnym centram pryniaćcia rašeńniaŭ dla Słavienii, a nie Brusiel».
Stevanavič uznačaliŭ nižniuju pałatu parłamienta Słavienii na minułym tydni. U intervju jon taksama zhadaŭ płany zamiežnych vizitaŭ na novaj pasadzie. Adnymi ź pieršych — u Skopje i Kapienhahien. «Ja chacieŭ by budavać masty, kab dobra pracavać z usimi krainami, niezaležna ad ściany, uźviedzienaj pamiž Zachadam i Uschodam. Tamu ja płanuju chutka naviedać Maskvu», — dadaŭ Stevanavič.
-
«Prahresiŭnaja Bałharyja» ŭčystuju pieramahła na vybarach. Hienierał Radzieŭ supakojvaje: Praciahniem jeŭrapiejski šlach, ale krytyčna
-
Raźviedka Šviecyi: Ekanomika Rasii na miažy najhłybiejšaha kryzisu. Niajasna, ci Pucinu pra heta kažuć
-
Vybary ŭ Bałharyi vyjhrała prarasijskaja partyja byłoha prezidenta Radzieva
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
ja dumaju, tiepieŕ Jevrosojuz budiet silno dumať, prinimať li koho jeŝio k siebie v kompaniju