Robat pabiŭ suśvietny rekord Usejna Bołta ŭ biehu na 100 mietraŭ

Na Druhich suśvietnych spabornictvach čałaviekopadobnych robataŭ u Piekinie android pa mianušcy «Małanka» ŭstalavaŭ rekord u biehu na 100 mietraŭ, paviedamlaje ahienctva «Sińchua».

Robat pieraadoleŭ dystancyju za 9,32 siekundy, raźviŭšy chutkaść kala 14,5 m/s. Takim čynam, mašyna prabiehła 100 mietraŭ chutčej za najchutčejšaha čałavieka ŭ historyi — jamajskaha spryntara Usejna Bołta.

Suśvietny rekord Bołta składaje 9,58 siekundy i byŭ ustalavany ŭ 2009 hodzie. «Małanka» pieraŭzyšła jaho vynik na 0,26 siekundy.

Praŭda, vyniki robataŭ nie zaličvajucca ŭ čałaviečyja spartyŭnyja rekordy, bo jany spaborničajuć u asobnaj katehoryi. Adnak dasiahnieńnie pakazvaje, nakolki chutka raźvivajucca technałohii, źviazanyja z rucham, bałansam i kiravańniem čałaviekopadobnych mašyn.

Padrabiaznaści kanstrukcyi «Małanki», a taksama charaktarystyki inšych robataŭ, jakija ŭdzielničajuć u spabornictvach, pakul nie raskryvajucca.

Kamientary da artykuła