Na froncie va Ukrainie vyprabavali čałaviekapadobnych robataŭ, stvoranych amierykanskim startapam Foundation Future Industries, jaki źjaviŭsia ŭ 2024 hodzie. U budučyni hetyja raspracoŭki płanujuć prapanavać armii ZŠA, paviedamlaje CNBC.
Kampanija stavić pierad saboj metu stvaryć robataŭ, jakija zmohuć vykonvać niebiaśpiečnuju pracu zamiest ludziej — jak u vajennych umovach, tak i ŭ pramysłovaści. Kiraŭnik startapa ličyć, što hałoŭnaja karyść takich technałohij — heta mahčymaść zamianić čałavieka tam, dzie isnuje ryzyka dla jahonaha žyćcia.
U pačatku hetaha hoda va Ukrainu byli nakiravanyja dva robaty madeli Phantom MK-1. Ich vykarystoŭvali ŭ jakaści ekśpierymientu — heta pieršy viadomy vypadak prymianieńnia čałaviekapadobnych robataŭ u bajavych umovach. Vyprabavańni prachodzili pry padtrymcy ŭrada ZŠA i z udziełam ukrainskich śpiecyjalistaŭ.
Asnoŭnaja zadača robataŭ — łahistyka ŭ niebiaśpiečnych zonach, naprykład, dastaŭka nieabchodnych rečaŭ na pieradavuju. Heta važna, bo takija zadańni časta padviarhajuć sałdat vialikaj ryzycy.
Ukrainu vybrali dla vyprabavańniaŭ nievypadkova. Za čas vajny z Rasijaj jana ŭžo stała svojeasablivaj placoŭkaj dla pravierki novych vajskovych technałohij, u tym liku robatatechniki i štučnaha intelektu. Tam užo vykarystoŭvajucca naziemnyja robaty dla pieravozki hruzaŭ, a taksama drony dla raźviedki i dakładnych udaraŭ.
Pieršyja vyprabavańni pakazali, što Phantom MK-1 sapraŭdy moža być karysny dla dastaŭki hruzaŭ. Adnak u jaho jość i istotnyja abmiežavańni: jon moža nieści tolki kala 20 kiłahramaŭ, nie abaronieny ad vady i maje niedastatkovy čas pracy ad akumulatara. Tamu pakul što takija robaty nie hatovyja da šyrokaha vykarystańnia.
Kampanija ŭžo pracuje nad novaj madellu — Phantom 2. Čakajecca, što jana budzie značna bolš mahutnaj: zmoža pieravozić udvaja bolš hruzu i atrymaje značna lepšyja charaktarystyki.
Akramia hetaha, startap płanuje ŭžo ŭ najbližejšy čas naładzić vytvorčaść u maštabach tysiač adzinak i na praciahu nastupnych paŭtara hoda pačać bolš šyrokija vyprabavańni razam z amierykanskimi vajskoŭcami.
U Varšavie pasialili čałaviekapadobnaha robata — jon haniaje dzikoŭ i razmaŭlaje z narodam
U Japonii zmahajucca ź miadźviedziami pry dapamozie «vaŭkoŭ-monstraŭ» z čyrvonymi vačyma
Ukrainskija drony i robaty zdolnyja brać rasijan u pałon biez prysutnaści ludziej
Piać technałohij, jakija mohuć radykalna źmianić śviet u bližejšyja 25 hadoŭ
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
Na dvoich soobražať viesieleje, a trietij lišnij, da i intielekta dla etoho osoboho nie nado, kak razrabotčiku, tak i robotu.
Oboich, jeśli čto, na ścienu, podruki vyviedut, čtoby silno nie opozoriťsia.
[Zredahavana]